ہم خود بھی اپنے ساتھ نہیں
اک کبھی نہ بیتنے والی شب اک ہاتھ نہ آنے والا دن اس شب سے جان چھڑانے میں اس دن کو ڈھونڈ کے لانے میں ہم ریزہ ریزہ ہو کے رہے جو پایا تھا وہ کھو کے رہے اس پانے میں اس کھونے میں ہونے میں اور نہ ہونے میں کچھ سود و زیاں کا ہاتھ ہے کیا یا اور ہی کوئی بات ہے کیا اس ساری اضافی باتوں میں بس ایک ہی بات ضروری ہے یاں شب کی سحر سے دوری ہے اس شب کے تسلسل میں پنہاں اک گھور اندھیرا جہل کا ہے جس جہل کی کالی آندھی نے جیون کے سچ کو چاٹ لیا اور ہم نے اسی ویرانی میں اک اندھا جیون کاٹ لیا اس کالے اندھے جیون میں غربت کی تیرہ بختی نے کچھ قسمت کے احسان نے بھی کچھ جبر وقت کی سختی نے انسان سے کیا کچھ چھینا ہے یہ جینا کیسا جینا ہے پسماندگیٔ جاں روح تلک در آئی سیاہی اوڑھے ہوئے ہم مقتل شب میں آ بیٹھے انکار کا دامن چھوڑے ہوئے انکار کہ جس کی جنبش لب ہر شب کی سحر بن سکتی ہے یہ جرأت و نافرمانیٔ شب بے بس کی سپر بن سکتی ہے پھر کیوں اس قتل گہہ شب میں آ بیٹھے ہیں جی ہار کے ہم اقرار سے لب آسودہ سہی منکر تو نہیں انکار کے ہم اس شب در شب تاریکی میں جو رات بھی ہے وہ رات نہیں اس ہارنے والی بازی میں جو مات بھی ہے وہ مات نہیں کچھ قسمت کی سفاکی نہیں کچھ سود و زیاں کا ہاتھ نہیں بس ایک ہی دکھ بے پایاں ہے ہم خود بھی اپنے ساتھ نہیں
English rendering
Ek kabhi na beetne wali shab Ek haath na aane wala din Is shab se jaan chhudane mein Is din ko dhoond ke laane mein Hum reeza reeza ho ke rahe Jo paaya tha woh kho ke rahe Is paane mein is khone mein Hone mein aur na hone mein Kuchh sood-o-ziyan ka haath hai kya Ya aur hi koi baat hai kya Is saari izafi baaton mein Bas ek hi baat zaroori hai Yaan shab ki sehar se doori hai Is shab ke tasalsul mein pinhan Ek ghoor andhera jehl ka hai Jis jehl ki kaali aandhi ne Jeevan ke sach ko chaat liya Aur hum ne isi veerani mein Ek andha jeevan kaat liya Is kaale andhe jeevan mein Ghurbat ki teera-bakhti ne Kuchh qismat ke ehsaan ne bhi Kuchh jabr-e-waqt ki sakhti ne Insaan se kya kuchhe cheena hai Yeh jeena kaisa jeena hai Pasmaandagi-e-jaan rooh talak Dar aayi siyahi odhe hue Hum maqtal-e-shab mein aa baithe Inkar ka daaman chhode hue Inkar ke jis ki jumbish-e-lab Har shab ki sehar ban sakti hai Yeh jur'at-o-nafarmani-e-shab Be-bas ki sipar ban sakti hai Phir kyun is qatl-gah-e-shab mein Aa baithe hain jee haar ke hum Iqraar se lab aasooda sahi Munkir to nahin inkaar ke hum Is shab dar shab tareeki mein Jo raat bhi hai woh raat nahin Is haarne wali baazi mein Jo maat bhi hai woh maat nahin Kuchh qismat ki saffaki nahin Kuchh sood-o-ziyan ka haath nahin Bas ek hi dukh be-payan hai Hum khud bhi apne saath nahin