انتقام
جب راہیں سب مسدود ہوئیں سب نیست ہوئیں نابود ہوئیں دشمن کو کھوجتے پھرنے کی تھیں کاوشیں جو بے سود ہوئیں پسپائیاں جو موجود نہ تھیں اک آن میں آ موجود ہوئیں میں سوچ کے اک دوراہے پر حیراں آزردہ آ پہنچا یہ ساری تگ و دو تنہا تھی اس موڑ پہ بھی تنہا پہنچا لیکن اس تنہا منظر میں اک چہرہ اور ابھر آیا جو صاف نظر آیا نہ کبھی اب اتنے قریب نظر آیا وہ چہرا دشمن کا چہرا اس روپ میں پہلی بار ملا کبھی ذات کے ہر منظر میں مرے کبھی منظر کے اس پار ملا میں خوب اسے پہچان گیا جس روپ میں وہ جس بار ملا پھر اپنے دل پہ نظر جو کی آمادہ پئے پیکار ملا پھر میں نے کسی تاخیر بنا اک وار بہت سفاک کیا خود اپنا گریباں چاک کیا
English rendering
Jab raahein sab masdood hueen Sab neest hueen naabood hueen Dushman ko khojte phirne ki Theen kawishein jo Be-sood hueen Paspaayiaan jo maujood na theen Ik aan mein aa maujood hueen Main soch ke ek do-rahe par Hairaan aazurda aa pahuncha Yeh saari tag-o-dau tanha thi Is mod pe bhi tanha pahuncha Lekin is tanha manzar mein Ik chehra aur ubhar aaya Jo saaf nazar aaya na kabhi Ab itne qareeb nazar aaya Wo chehra dushman ka chehra Is roop mein pehli baar mila Kabhi zaat ke har manzar mein mere Kabhi manzar ke us paar mila Main khoob use pehchaan gaya Jis roop mein wo jis baar mila Phir apne dil pe nazar jo ki Aamada-e-pai-e-paikaar mila Phir main ne kisi taakheer bina Ik waar bahut saffaak kiya Khud apna girebaan chaak kiya