عشق نے ہم کو جنوں آثار ایسا کر دیا
عشق نے ہم کو جنوں آثار ایسا کر دیا بستۂ ساحل بھی رکھا اور دریا کر دیا اس گلستان گماں میں ہم بھی تھے مانند خواب گرمیٔ اندیشہ نے ہم کو بھی صحرا کر دیا دیدۂ خوش بیں کی یہ اعجاز فرمائی تو دیکھ کیسے مبہم خال و خط کو ایک چہرا کر دیا یہ جہاں پنہاں تھا اک بے منظری کی خاک میں ہم نے چشم شوق سے دیکھا تو دنیا کر دیا روشنیٔ طبع نے روشن کیا ہے اک جہاں اور مجھے اس آئنہ خانے میں تنہا کر دیا جب کبھی شب زاد لمحے گھیرنے آئے ہمیں ہم نے شمع جاں جلائی اور سویرا کر دیا یہ کرامت بھی عجب اس کی مسیحائی میں ہے جو بہ ظاہر بھر دیا وہ زخم گہرا کر دیا منتظر تھا وقت سو ہم نے بہ انداز سخن آرزو کا اک جہان تازہ پیدا کر دیا
English rendering
Ishq ne hum ko junoon asaara aisa kar diya Basta-e-saahil bhi rakha aur darya kar diya Iss gulistan-e-gumaan mein hum bhi thhe manind-e-khwab Garmi-e-andeesha ne hum ko bhi sahra kar diya Deeda-e-khush-been ki yeh aijaaz farmaai toh dekh Kaise mubham khaal-o-khat ko ek chehra kar diya Yeh jahan pinhan tha ik be-manzari ki khaak mein Hum ne chashm-e-shauq se dekha toh duniya kar diya Roshni-e-tab'a ne roshan kiya hai ik jahan Aur mujhe uss aaina khane mein tanha kar diya Jab kabhi shab zad lamhe gherne aaye hamein Hum ne shama-e-jaan jalai aur savera kar diya Yeh karamat bhi ajab uss ki masihaai mein hai Jo ba-zahir bhar diya woh zakhm gehra kar diya Muntazir tha waqt so hum ne ba-andaaz-e-sukhan Aarzoo ka ik jahan taza paida kar diya