پیرزادہ قاسم

English rendering

Jaise yaad-e-inbisat-o-gham-e-shikebaai ke baad Der tak rote rahe hum bazm-aarai ke baad Ai sarisht-e-shauq ab naapaid ho kar dekh le Aur kya hona hai is hone ki ruswaai ke baad Is qadar saffak kab thi waqt ki be-manzari Kor-chashmi se bhi badh kar dukh hain beenai ke baad Khud ko pa lene ki hasrat mein bahut ruswa hue Kuchh siwa ruswaiyan hain ab shanasai ke baad Be-masafat ik safar darpesh rehna chahiye Sochte hain umr bhar ki jaada-paimai ke baad Kal mein khud se silsila dar silsila milta raha Aalam-e-tanhai jaise dasht-e-tanhai ke baad Hai wahi sehra magar shadab kitna ho gaya Rehrawaan-e-junooñ ki aabla-paai ke baad Dil mein ab pehli si woh gunjaaishein baqi nahin Pehle ik dalaan aa jaana tha anganai ke baad