دیوانہ رقیب
شب ہجر ہائی زخمی جگر ہائی ہوا دے شوکاٹ اچ سیاہ کالی رات اچ قدم لڑکھڑاون تے ٹھڈے وی آون رستے دی سرنہیں فقط اتنا یاد اے صحرا دے وچالے خاموشی آباد اے اجڑی ہوئ بار اچ سنی ہک صدا ہائی مسافر ہا کلا تے روندا ودا ہائی اوہندے وین سن کے رونے نین میرے ٹریوں اگیڑے زارا ہو کے نیڑے میں پوچھیا راہگیرا راہ بھل گیا ایں بندہ چون دسدایں کیوں رل گیاایں ہتھ رکھ کے دل تے کیتوس اشارہ آیوس ہلارا تے رنا دوبارہ آکھے اہیو دل اے جیہڑا نت رویندا اے سپاں دے سر تے وی راتیں ٹریندا اے میں وت چا پچھیا کملا احساس ہائی ایوں کھڑایا وتدایں یا کہیں دی تلاش ہائی میریاں سن کے گلاں زرا ہوش آیوس کھیسے چوں کڈھ کے چا فوٹو وکھیاوس میں فوٹو نوں تیکا یقیں کوئی نہ آوئے پیراں دے تھلے زمیں کوئی نہ آوے میں رو رو کے آکھاں ایہا میری جان اے تے اوہ پٹ پٹ کے آکھے اوہ میرے پہچان اے میں آکھیا او کملا میں ایدھا ڈھوڈاوں آں اوس آکھیا او پاگل میں وی اودے جاوں آں دوہاں دا قاسم مندڑا نصیب ہا یار میتھوں وی ودھ کے دیوانہ رقیب ہا قاسم علی کاہلوانہ
English rendering
Shab-e-hijr haai, zakhmi jigar haai Hawa de shaukat ach siyah kaali raat ach Qadam ladkhadawan te thade vi aawan Raste di sirnhayi'n faqat itna yaad ae Sahra de wichaale khamoshi aabad ae Ujdi hui baar ach suni hik sada haai Musafir ha kalla te ronda wada haai Ohnde wain sun ke rone nain mere Triyo'n ageday zaara ho ke neday Mai'n puchhiya raahgeera raah bhul gaya aye'n Banda cho'n dasda'ay'n kyu'n rul gaya'ay'n Hath rakh ke dil te keetos ishaara Aayos hilaara te rona dobara Aakhe ehio dil ae jeyhda nit rawenda ae Sappa'n de sar te vi raatei'n trenda ae Mai'n wat cha puchhiya kamla ehsaas haai Eyu'n khadaya watdaye'n ya kahein di talash haai Meriy'an sun ke gala'n zara hosh aayos Khese cho'n kaddh ke cha photo wakhyaavos Mai'n photo no'n teka'n yaqee'n koi na aawye Paira'n de thalle zamee'n koi na aawye Mai'n ro ro ke aakha'n eha meri jaan ae Te oh pat pat ke aakhe oh mere pehchan ae Mai'n aakhya oh kamla mai'n edha dhodawa'n aa'n Ous aakhya oh pagal mai'n vi ohde jaawa'n aa'n Doha'n da Qasim mandra naseeb ha Yaar mai'n tho'n vi wadh ke deewana raqeeb ha Qasim Ali Kahloowanah