اندھیرے چھوڑ کر مَیں جب جا رہا تھا اُجالوں میں
اندھیرے چھوڑ کر مَیں جب جا رہا تھا اُجالوں میں کِسی نے میرے ماتھے پر دیا بوسہ خیالوں میں دعا مت دو مجھے اے خیر خواہو، ترکِ اُلفت کی ذرا سا تو بھرم رہنے دو میرا خوش جمالوں میں یقیناً اُن کی سوچوں پر بڑھاپہ چھا چکا ہو گا اُلجھ کر رہ گئے جو لوگ ماضی کے حوالوں میں بھڑکتے تھے کبھی جن میں گلابی آگ کے شعلے بس اب تو راکھ باقی رہ گئی ہے ان پیالوں میں جنھیں ہم دیکھ کر مسجد کا رستہ بھُول جاتے تھے خدا معلوم ہوں گے وہ صنم اب کن شوالوں میں وہ جب بھی رُو برُو آیا، نیا چہرہ کوئی لایا اِک ایسا شخص بھی شامل تھا اپنے ملنے والوں میں ہمیشہ گفتگو کر کے وہ شرمندہ ہُوا مجھ سے ملے اس کو سدا میرے جواب اپنے سوالوں میں کھُلی آنکھوں قتیلؔ اس کو بھلا کب دیکھ سکتا ہُوں ملاقات اس سے اب ہوتی ہے خوابوں میں خیالوں میں
English rendering
Andhere chhod kar main jab ja raha tha ujaalon mein Kisi ne mere maathe par diya bosa khayalon mein Dua mat do mujhe ae khair-khwaho, tark-e-ulfat ki Zara sa to bharam rehne do mera khush-jamaalon mein Yaqeenan un ki sochon par budhapa chha chuka hoga Uljh kar reh gaye jo log maazi ke hawalon mein Bhadakte the kabhi jin mein gulabi aag ke shole Bas ab to raakh baqi reh gayi hai in pyaalon mein Jinhen hum dekh kar masjid ka rasta bhool jaate the Khuda maloom honge woh sanam ab kin shawaalon mein Woh jab bhi ru-ba-ru aaya, naya chehra koi laaya Ik aisa shakhs bhi shamil tha apne milne walon mein Hamesha guftugu kar ke woh sharminda hua mujh se Mile us ko sada mere jawab apne sawalon mein Khuli aankhon Qateel us ko bhala kab dekh sakta hoon Mulaqat us se ab hoti hai khwabon mein khayalon mein