چارہ گر، اےدلِ بے تاب! کہاں آتے ہیں
چارہ گر، اےدلِ بے تاب! کہاں آتے ہیں مجھ کو خوش رہنے کے آداب کہاں آتے ہیں میں تو یک مُشت اُسے سونپ دُوں سب کچھ، لیکن ایک مُٹّھی میں ، مِرے خواب کہاں آتے ہیں مُدّتوں بعد اُسے دیکھ کے، دِل بھر آیا! ورنہ ،صحراؤں میں سیلاب کہاں آتے ہیں میری بے درد نِگاہوں میں، اگر بُھولے سے! نیند آئی بھی تو ، اب خواب کہاں آتے ہیں تنہا رہتا ہُوں میں دِن بھر ،بَھری دُنیا میں سعید! دِن بُرے ہوں، تو پھر احباب کہاں آتے ہیں
English rendering
Chaara-gar, aye dil-e-betaab! kahan aate hain Mujhe ko khush rehne ke aadaab kahan aate hain Main to yak musht use sonp dun sab kuch, lekin Ek mutthi mein, mere khwab kahan aate hain Muddaton baad use dekh ke, dil bhar aaya! Warna, sehraon mein sailaab kahan aate hain Meri be-dard nigahon mein, agar bhoole se! Neend aai bhi to, ab khwab kahan aate hain Tanha rehta hoon main din bhar, bhari duniya mein Saeed! Din bure hon, to phir ahbab kahan aate hain