اپنے ہاتھوں کی لکیروں میں سجا لے مجھ کو
اپنے ہاتھوں کی لکیروں میں سجا لے مجھ کو میں ہوں تیرا تو نصیب اپنا بنا لے مجھ کو میں جو کانٹا ہوں تو چل مجھ سے بچا کر دامن میں ہوں گر پھول تو جوڑے میں سجا لے مجھ کو ترک الفت کی قسم بھی کوئی ہوتی ہے قسم تو کبھی یاد تو کر بھولنے والے مجھ کو مجھ سے تو پوچھنے آیا ہے وفا کے معنی یہ تری سادہ دلی مار نہ ڈالے مجھ کو میں سمندر بھی ہوں موتی بھی ہوں غوطہ زن بھی کوئی بھی نام مرا لے کے بلا لے مجھ کو تو نے دیکھا نہیں آئینے سے آگے کچھ بھی خود پرستی میں کہیں تو نہ گنوا لے مجھ کو باندھ کر سنگ وفا کر دیا تو نے غرقاب کون ایسا ہے جو اب ڈھونڈ نکالے مجھ کو خود کو میں بانٹ نہ ڈالوں کہیں دامن دامن کر دیا تو نے اگر میرے حوالے مجھ کو میں کھلے در کے کسی گھر کا ہوں ساماں پیارے تو دبے پاؤں کبھی آ کے چرا لے مجھ کو کل کی بات اور ہے میں اب سا رہوں یا نہ رہوں جتنا جی چاہے ترا آج ستا لے مجھ کو بادہ پھر بادہ ہے میں زہر بھی پی جاؤں قتیلؔ شرط یہ ہے کوئی بانہوں میں سنبھالے مجھ کو
English rendering
Apne haathon ki lakeeron mein saja le mujh ko Main hoon tera to naseeb apna bana le mujh ko Main jo kaanta hoon to chal mujh se bacha kar daaman Main hoon gar phool to joode mein saja le mujh ko Tark-e-ulfat ki qasam bhi koi hoti hai qasam Tu kabhi yaad to kar bhoolne waale mujh ko Mujh se tu poochhne aaya hai wafa ke maani Yeh teri saada-dili maar na daale mujh ko Main samandar bhi hoon moti bhi hoon ghotazaan bhi Koi bhi naam mera le ke bula le mujh ko Tu ne dekha nahin aaine se aage kuch bhi Khud-parasti mein kahin tu na ganwa le mujh ko Baandh kar sang-e-wafa kar diya tu ne gharqaab Kaun aisa hai jo ab dhoond nikaale mujh ko Khud ko main baant na daalon kahin daaman daaman Kar diya tu ne agar mere hawale mujh ko Main khule dar ke kisi ghar ka hoon samaan pyaare Tu dabbe paaon kabhi aa ke chura le mujh ko Kal ki baat aur hai main ab sa rahun ya na rahun Jitna jee chaahe tera aaj sata le mujh ko Bada phir baada hai main zehar bhi pee jaaun Qateel Shart yeh hai koi baahon mein sambhale mujh ko