بتاؤ کیا خریدو گے
بتاؤ کیا خریدو گے؟ جوانی، حسن، غمزے، عہد، پیماں، قہقہے، نغمے رسیلے ہونٹ، شرمیلی نگاہیں، مرمریں بانہیں یہاں ہر چیز بکتی ہے خریدارو! بتاؤ کیا خریدو گے؟ بھرے بازو، گٹھیلے جسم، چوڑے آہنی سینے بلکتے پیٹ، روتی غیرتیں، سہمی ہوئی آہیں یہاں ہر چیز بکتی ہے خریدارو! بتاؤ کیا خریدو گے؟ زبانیں، دل، ارادے، فیصلے، جانبازیاں، نعرے یہ آئے دن کے ہنگامے، یہ رنگا رنگ تقریریں یہاں ہر چیز بکتی ہے خریدارو! بتاؤ کیا خریدو گے؟ صحافت، شاعری، تنقید، علم و فن، کتب خانے قلم کے معجزے، فکرو نظر کی شوخ تصویریں یہاں ہر چیز بکتی ہے خریدارو! بتاؤ کیا خریدو گے؟ اذانیں، سنکھ، حجرے، پاٹھ شالے، داڑھیاں، قشقے یہ لمبی لمبی تسبیحیں، یہ موٹی موٹی مالائیں یہاں ہر چیز بکتی ہے خریدارو! بتاؤ کیا خریدو گے؟ علی الاعلان ہوتے ہیں یہاں سودے ضمیروں کے یہ وہ بازار ہے جس میں فرشتے آ کے بک جائیں یہاں ہر چیز بکتی ہے خریدارو! بتاؤ کیا خریدو گے؟
English rendering
Batao kya kharido ge? Jawaani, husn, ghamze, ahd, paimaan, qahqahe, naghme Raseele honth, sharmeeli nigaahen, marmareen baanhein Yahan har cheez bikti hai Kharidaro! Batao kya kharido ge? Bhare baazu, gutheele jism, chaude aahani seene Bilakte pet, roti ghairaten, sehmi hui aahen Yahan har cheez bikti hai Kharidaro! Batao kya kharido ge? Zubanen, dil, irade, faisle, jaanbaziyan, naare Yeh aaye din ke hangame, yeh ranga rang taqreerein Yahan har cheez bikti hai Kharidaro! Batao kya kharido ge? Sahafat, shairi, tanqeed, ilm-o-fan, kutub-khane Qalam ke mojze, fikr-o-nazar ki shokh tasweerein Yahan har cheez bikti hai Kharidaro! Batao kya kharido ge? Azanen, sankh, hujre, pathshale, daadhiyan, qashqe Yeh lambi lambi tasbeehain, yeh moti moti malaayen Yahan har cheez bikti hai Kharidaro! Batao kya kharido ge? Ali al-eilaan hote hain yahan saude zameeron ke Yeh woh bazaar hai jis mein farishte aa ke bik jaayen Yahan har cheez bikti hai Kharidaro! Batao kya kharido ge?