اندھے پجاری
یہ کون لوگ سر میکدہ پہنچ آئے چھلک رہا ہے لہو ہی لہو ایاغوں سے یہ کون لوگ ہیں جو زندگی کے محلوں کو سجانے آئے ہیں بجھتے ہوئے چراغوں سے برس رہا ہے اندھیرا جبیں کے داغوں سے یہ کون لوگ ہیں جو آفتاب سے چھپ کر پرانی شمعوں پہ نظریں جمائے پھرتے ہیں یہ کون لوگ ہیں جو ارتقا کی منزل میں نئی حیات سے دامن بچائے پھرتے ہیں روایتوں کے جنازے اٹھائے پھرتے ہیں انہیں پسند نہیں شاخ گل کی رعنائی سلوک باد چمن ناگوار ہے ان کو بھٹک رہے ہیں یہ ماضی کے ریگ زاروں میں بہار نو کا تصور بھی بار ہے ان کو جو فصل بیت چکی اس سے پیار ہے ان کو بھرا ہے عہد کہن کا غبار آنکھوں میں انہیں گراں ہے نئی کائنات کا پرتو یہ مندروں کے پجاری یہ مسجدوں کے امام یہ تیرگی کے مسافر یہ رات کے رہرو افق کو نوچ رہے ہیں کہ توڑ لیں مہ نو ہوس کی قید میں ہے آبروئے لالہ و گل چمن فروش بنے ہیں چمن کے رکھوالے ذرا سنبھل کے چلے کاروان رنگ و نمو کہ خار بیٹھے ہیں پھولوں کی چلمنیں ڈالے صبا کے بھیس میں پھرتے ہیں لوٹنے والے یہ لوگ حلقۂ دام خیال کہتے ہیں فروغ علم کو سائنس کی ترقی کو یہ کم نگاہ مداوائے درد انسانی سمجھ رہے ہیں پراچین سنسکرتی کو صدائیں دیتے ہیں صدیوں کی تیرہ بختی کو زبان و فرقہ و مذہب کے غار میں یہ لوگ ہوئے ہیں غرق کچھ ایسے ابھر نہیں سکتے اٹے ہیں گرد میں جب تک دلوں کے آئینے نئے نقوش میں ہم رنگ بھر نہیں سکتے نگار ہند کے گیسو سنور نہیں سکتے جلیں نہ روح میں جب تک محبتوں کے چراغ طلسم تیرہ خیالی سے ہم نہ چھوٹیں گے وہ لوگ معبد انسانیت کی سیر کریں جو کہہ رہے ہیں کہ دیر و حرم نہ چھوٹیں گے جو ضد میں ہیں کہ پرانے صنم نہ چھوٹیں گے
English rendering
Yeh kon log sar-e-maikada pahunch aaye Chhalak raha hai lahoo hi lahoo ayaghon se Yeh kon log hain jo zindagi ke mahalon ko Sajane aaye hain bujhte hue charaghon se Baras raha hai andhera jabeen ke daghon se Yeh kon log hain jo aaftaab se chhup kar Purani shamaon pe nazrein jamaye phirte hain Yeh kon log hain jo irtiqaa ki manzil mein Nayi hayaat se daaman bachaye phirte hain Riwayaton ke janaze uthaye phirte hain Inhein pasand nahin shaakh-e-gul ki ra'naayi Sulook baad-e-chaman na-gawaar hai un ko Bhatak rahe hain yeh maazi ke reig-zaron mein Bahaar-e-nau ka tasawwur bhi baar hai un ko Jo fasl beet chuki us se pyaar hai un ko Bhara hai ahd-e-kuhan ka ghubaar aankhon mein Inhein giraan hai nayi kainat ka partaw Yeh mandiron ke pujari yeh masjidon ke imaam Yeh teeragi ke musafir yeh raat ke rahraw Ufaq ko nooch rahe hain ke tod lein mah-e-nau Hawas ki qaid mein hai aabroo-e-lala-o-gul Chaman farosh bane hain chaman ke rakhwale Zara sambhal ke chale kaarwaan-e-rang-o-numoo Ke khaar baithe hain phoolon ki chilmanein dale Saba ke bhes mein phirte hain lootne wale Yeh log halqa-e-daam-e-khayal kehte hain Frogh-e-ilm ko science ki taraqqi ko Yeh kam-nigah madaawa-e-dard-e-insaani Samajh rahe hain pracheen sanskriti ko Sadaein dete hain sadiyon ki teerah-bakhti ko Zuban-o-firqa-o-mazhab ke ghaar mein yeh log Hue hain gharq kuch aise ubhar nahin sakte Uthe hain gard mein jab tak dilon ke aainey Naye nuqoosh mein hum rang bhar nahin sakte Nigaar-e-hind ke geesoo sanwar nahin sakte Jalein na rooh mein jab tak muhabbaton ke charagh Tilism teerah-khayali se hum na chhooteinge Woh log ma'bad-e-insaaniyat ki sair karein Jo keh rahe hain ke dair-o-haram na chhooteinge Jo zid mein hain ke purane sanam na chhooteinge