فصیل شب
دامن دل پہ غبار رہ منزل ہے ابھی پائے افکار میں دیرینہ سلاسل ہے ابھی تیرگی شعلۂ احساس کا حاصل ہے ابھی روشنی قید میں دن کاٹ رہی ہے اب تک تشنگی دل کا لہو چاٹ رہی ہے اب تک جو نفس ہے ہدف دشنۂ قاتل ہے ابھی دل کے ہر زخم سے رستا ہے امیدوں کا لہو ریگ زاروں نے کیا خون بہاراں سے وضو جانے کس راہ میں ہے قافلۂ رنگ و نمو ایک اک شاخ شگوفوں سے ہے خالی اب تک میکدہ ڈھال لیا مے نہیں ڈھالی اب تک نہ کہیں رقص بہاراں ہے نہ جشن لب جو روشنی اوڑھ کے ظلمت کا کفن آئی ہے خون میں ڈوب کے سورج کی کرن آئی ہے زخم جاں بن کے صبا سوئے چمن آئی ہے لب و رخسار تمنا پہ نکھار آ نا سکا اہل دل کو سر منزل بھی قرار آ نہ سکا پھر وہی رہ گزر دار و رسن آئی ہے پھر وہی خواب سحر لے کے چلے ہیں ہم لوگ مشعل خون جگر لے کے چلے ہیں ہم لوگ ان اندھیروں کا بھرم توڑ کے دم لینا ہے ہاں فصیل شب غم توڑ کے دم لینا ہے تیشۂ فکر و نظر لے کے چلے ہیں ہم لوگ کچھ دنوں کشمکش جبر و ستم اور سہی کچھ دنوں سوز دروں دیدۂ غم اور سہی گام دو گام سواد شب غم اور سہی صبح نو اب کسی دیوار کے گھیرے میں نہیں ہم اندھیرے میں ہیں منزل تو اندھیرے میں نہیں اتنی دور آئے تو دو چار قدم اور سہی
English rendering
Daaman-e-dil pe ghubaar-e-rah-e-manzil hai abhi Paaye-e-afkaar mein daireena salaasil hai abhi Teergi shola-e-ehsaas ka haasil hai abhi Roshni qaid mein din kaat rahi hai ab tak Tashnagi dil ka lahu chaat rahi hai ab tak Jo nafas hai hadaf-e-dashna-e-qaatil hai abhi Dil ke har zakhm se rasta hai ummeedon ka lahu Regzaaron ne kiya khoon-e-bahaaraan se wuzu Jaane kis raah mein hai qafila-e-rang-o-numoo Ek ek shaakh shagufon se hai khaali ab tak Maikada dhaal liya mai nahi dhaali ab tak Na kahin raqs-e-bahaaraan hai na jashn-e-lab-e-ju Roshni odh ke zulmat ka kafan aayi hai Khoon mein doob ke suraj ki kiran aayi hai Zakhm-e-jaan ban ke saba su-e-chaman aayi hai Lab-o-rukhsaar-e-tamanna pe nikhaar aa na saka Ahl-e-dil ko sar-e-manzil bhi qaraar aa na saka Phir wahi rehguzar-e-daar-o-rasan aayi hai Phir wahi khwaab-e-sehar le ke chale hain hum log Mash'al-e-khoon-e-jigar le ke chale hain hum log In andheron ka bharam tod ke dam lena hai Haan, faseel-e-shab-e-gham tod ke dam lena hai Tesha-e-fikr-o-nazar le ke chale hain hum log Kuchh dinon kashmakash-e-jabr-o-sitam aur sahi Kuchh dinon soz-e-daroon deeda-e-gham aur sahi Gaam do gaam sawaad-e-shab-e-gham aur sahi Subh-e-nau ab kisi deewar ke ghere mein nahi Hum andhere mein hain manzil to andhere mein nahi Itni door aaye to do chaar qadam aur sahi