شعلۂ حنا
یہ رات مشعل ارماں جلانے آئی ہے مگر نظر میں اندھیرا سا چھا رہا ہے کیوں وہ غم کدہ جسے ٹھکرا دیا محبت نے بھلا رہی ہوں مگر یاد آ رہا ہے کیوں یہ کامیاب ارادے یہ مضمحل لمحے یہ آج زیست میں آخر تضاد کیسا ہے ہجوم کیف میں بھی روح بے قرار ہے کیوں یہ اضطراب دل نامراد کیسا ہے قریب و دور مسلط ہے خامشی لیکن فضاؤں میں کسی طوفاں کا شور برپا ہے یہ رات ہے کہ قیامت یہ تیرگی ہے کہ موت چراغ جل تو گئے ہیں مگر اندھیرا ہے غم حیات کی پرچھائیوں سے ڈرنا کیا میں زندگی کے نئے خواب بن کے آئی ہوں اب اس دیار میں واپس بھی ہو نہیں سکتی کہ اپنی پشت پہ دیوار چن کے آئی ہوں لبوں پہ موج تبسم ہے دل میں گرد ملال میں خوش تو ہوں مگر آنکھوں سے اشک بہتے ہیں مری اداس جوانی نے مجھ سے پوچھا ہے سہاگ رات اسی بے بسی کو کہتے ہیں نہ باپ بھائی کے ہونٹوں پہ آئی کوئی دعا نہ ماں نے پیار سے رخصت کیا گلے مل کے ہتھیلیوں میں ہے مہندی نہ مانگ میں افشاں مچل کے رہ گئے سینے میں ولولے دل کے رہ حیات کے ساتھی ترا سہارا ہے مری وفا مری جرأت کی آبرو رکھنا ترے لئے میں زمانے کو چھوڑ بیٹھی ہوں مرے غرور محبت کی آبرو رکھنا
English rendering
Yeh raat mash'al-e-armaan jalane aayi hai Magar nazar mein andhera sa chha raha hai kyun Woh gham-kada jise thukra diya mohabbat ne Bhula rahi hun magar yaad aa raha hai kyun Yeh kaamyaab iraade yeh muzmahil lamhe Yeh aaj zeest mein aakhir tazaad kaisa hai Hujoom-e-kaif mein bhi rooh be-qarar hai kyun Yeh iztiraab-e-dil-e-naamuraad kaisa hai Qareeb-o-door musallat hai khamoshi lekin Fizaaon mein kisi toofaan ka shor barpa hai Yeh raat hai ke qayamat yeh teeragi hai ke maut Charagh jal to gaye hain magar andhera hai Gham-e-hayaat ki parchhaiyon se darna kya Mai zindagi ke naye khwab ban ke aayi hun Ab is dayar mein waapas bhi ho nahin sakti Ke apni pusht pe deewar chun ke aayi hun Labon pe mauj-e-tabassum hai dil mein gard-e-malaal Mai khush to hun magar aankhon se ashk bahte hain Meri udaas jawani ne mujh se poocha hai Suhaag raat isi be-basi ko kehte hain Na baap bhai ke honton pe aayi koi dua Na maa ne pyaar se rukhsat kiya gale mil ke Hatheliyon mein hai mehndi na maang mein afshan Machal ke reh gaye seene mein walwale dil ke Rah-e-hayaat ke saathi tera sahara hai Meri wafa meri jurrat ki aabroo rakhna Tere liye mai zamane ko chhod baithi hun Mere ghuroor-e-mohabbat ki aabroo rakhna