اس نے کچھ دیر محبت کی اداکاری کی
اس نے کچھ دیر محبت کی اداکاری کی دلِ خوش فہم نے بھی خوب طرف داری کی ثانیِ قیس مجھے دشت نوردوں نے کہا حضرتِ عشق نے کیا خوب سند جاری کی ہم بضد تھے کہ کوئی بات نہیں کرنی تجھ سے دل نے سینے میں دھڑکتے ہوئے غداری کی عشق پیشہ ہیں یہی کام ہمیں آتا ہے ہجر سے نکلے اک ہجر کی تیاری کی اب تو ہر ذرہِ صحرا بھی مجھے جانتا ہے صاحب دشت کی اک عمر نمک خواری کی قہقہوں میں جو کئی رنج چھپائے ہم نے اس طرف داد بڑھا ہم نے بھی فنکاری کی اور چرچا نہ کرے بات کرے دانش سے دل نے دھڑکن سے کہا دل نے سمجھ داری کی
English rendering
Us ne kuchh der mohabbat kī adākarī kī Dil-e-khush-fehm ne bhī khoob taraf-dārī kī Sānī-e-Qais mujhe dasht-navardoñ ne kahā Hazrat-e-ishq ne kyā khoob sanad jaarī kī Ham ba-zid thhe ke koī baat nahīñ karnī tujh se Dil ne sīne meñ dhaṛakte hue ghaddārī kī Ishq-pesha haiñ yahī kaam hameñ aatā hai Hijr se nikle ik hijr kī taiyārī kī Ab to har zarra-e-sehrā bhī mujhe jāntā hai Sāhib-e-dasht kī ik umr namak-khwārī kī Qahqahoñ meñ jo kaī ranj chhupāye ham ne Is taraf daad baṛhā ham ne bhī fankārī kī Aur charchā na kare baat kare dānish se Dil ne dhaṛkan se kahā dil ne samajh-dārī kī