امانت
یہ ماضی جو مری تنہائیوں کے ساتھ رہتا ہے یہ اک نادان بچے کی طرح تنہائی کو اشارہ کرتا ہے ٹھوڑی پکڑ کر اور کہتا ہے وہ دیکھو گاؤں کے سینے پہ سر رکھے ہوئے سرسوں تمہاری کمسنی کھیلی ہے جس کی گود میں برسوں نقوش پا سے اب تک ہر گلی کی مانگ روشن ہے ابھی تک گود پھیلائے ہوئے ڈیرے کا آنگن ہے رسیلی جامنوں کے پیڑ کی کمزور شاخوں نے تمہاری انگلیوں کا ہر نشاں محفوظ رکھا ہے لبوں پر جھیل کی گہرائیوں کے ہے بس اک شکوہ کہ جب سے تم گئے ہو کوئی بھی ہم تک نہیں پہنچا کنارے جھیل کے وہ پیڑ اب تک منتظر سا ہے کب آؤ گے یہاں کپڑے اترو گے نہاؤ گے یہ ماضی جو مری تنہائیوں کے ساتھ رہتا ہے یہ اک نادان بچے کی طرح تنہائی کو اشارہ کرتا ہے ٹھوڑی پکڑ کر اور کہتا ہے وہ دیکھو گاؤں کے کھلیانوں میں سویا ہوا جادو نشیلی رات کی رانی وہ لو دیتی ہوئی خوشبو دیوں کا دھیمی دھیمی روشنی دینا دھواں دینا شکستہ جھونپڑوں کا زندگی کو لوریاں دینا کھنکتی ہیں رسوئی گھر میں الھڑ چوڑیاں اب تک بھرا کی پولیاں لاتی ہیں سر پر بوڑھیاں اب تک کے کنارے کچی اینٹوں سے بنا مندر سلگتے کنڈوں سے اٹھتی دھوئیں کی ملگجی چادر ہرے کھیتوں کی مینڈوں پر سلگتے جسم کے سائے لرزتے ہونٹھ گھبرائی ہوئی سانسوں کے افسانے لچکتی آم کی شاخوں پہ بل کھائے ہوئے جھولے کسی کا بھاگنا یہ کہہ کے کوئی ہے ہمیں چھو لے یہ دیکھو زندگی کتنی حسیں ہے کتنی بھولی ہے اسی آغوش میں آ جاؤ جس میں آنکھ کھولی ہے یہ ماضی جو مری تنہائیوں کے ساتھ رہتا ہے یہ کہتا ہے کہ میں گزری ہوئی باتوں میں کھو جاؤں تمہاری زلف سے مہکی ہوئی راتوں میں کھو جاؤں اسے میں کیسے سمجھاؤں کہ اب یہ سانس کا ڈورا اک ایسی دھار کی تلوار ہے جس پر گزرنا ہے مجھے اور زندگی کے زخم کو ٹانکے لگانا ہیں اسے میں کیسے سمجھاؤں کہ یہ ماضی کی تصویریں اب اک ایسی امانت ہیں جسے میں رکھ نہیں سکتہ اگر رکھوں تو ناکارہ نکما کہہ کے یہ دنیا مجھے ٹھوکر لگا دے اور خود آگے کو بڑھ جائے مری پس ماندگی پر ہر نذر اٹھے ترس کھائے مجھے مردہ عجائب گھر کی ایسی مورتی سمجھے جو سب کو اس لیے پیاری ہے کہ کافی پرانی ہے یہ ماضی جو مری تنہائیوں کے ساتھ رہتا ہے اسے میں کیسے سمجھاؤں کہ یہ ماضی کی تصویریں اب اک ایسی امانت ہیں جسے میں رکھ نہیں سکتہ
English rendering
Yeh maazi jo meri tanhaiyon ke saath rehta hai Yeh ik nadaan bacche ki tarah tanhai ko Ishara karta hai thodi pakad kar aur kehta hai Woh dekho gaon ke seene pe sar rakhe hue sarson Tumhari kamsani kheli hai jiski god mein barson Naqoosh-e-paa se ab tak har gali ki maang roshan hai Abhi tak god phailaye hue dere ka aangan hai Raseeli jamunon ke ped ki kamzor shaakhon ne Tumhari ungliyon ka har nishan mehfooz rakha hai Labon par jheel ki gehraiyon ke hai bas ik shikwa Ke jab se tum gaye ho koi bhi hum tak nahin pahuncha Kinare jheel ke woh ped ab tak muntazir sa hai Kab aao ge yahan kapde utro ge nahaao ge Yeh maazi jo meri tanhaiyon ke saath rehta hai Yeh ik nadaan bacche ki tarah tanhai ko Ishara karta hai thodi pakad kar aur kehta hai Woh dekho gaon ke khaliyanon mein soya hua jaadoo Nasheeli raat ki raani woh lau deti hui khushboo Diyon ka dheemi dheemi roshni dena dhuan dena Shikasta jhonpdon ka zindagi ko loriyan dena Khankati hain rasoi ghar mein ulhad chooriyan ab tak Bhara ki poliyan laati hain sar par boodhiyan ab tak Ke kinare kacchi eenton se bana mandir Sulagte kundo'n se uthti dhuen ki malgaji chadar Hare kheton ki mendon par sulagte jism ke saaye Larzate honth ghabrai hui sanson ke afsaane Lachakti aam ki shaakhon pe bal khaaye hue jhoole Kisi ka bhagna yeh keh ke koi hai hamein chhoo le Yeh dekho zindagi kitni haseen hai kitni bholi hai Isi aaghosh mein aa jaao jismein aankh kholi hai Yeh maazi jo meri tanhaiyon ke saath rehta hai Yeh kehta hai ke main guzri hui baaton mein kho jaaun Tumhari zulf se mahki hui raaton mein kho jaaun Use main kaise samjhaun ke ab yeh saans ka dora Ik aisi dhaar ki talwar hai jis par guzarna hai Mujhe aur zindagi ke zakhm ko taanke lagana hain Use main kaise samjhaun ke yeh maazi ki tasveerain Ab ik aisi amanat hain jise main rakh nahin sakta Agar rakhun to nakara nikamma keh ke yeh duniya Mujhe thokar laga de aur khud aage ko badh jaaye Meri pasmandagi par har nazar uthe taras khaaye Mujhe murda ajaib ghar ki aisi moorti samjhe Jo sab ko is liye pyari hai ke kaafi puraani hai Yeh maazi jo meri tanhaiyon ke saath rehta hai Use main kaise samjhaun ke yeh maazi ki tasveerain Ab ik aisi amanat hain jise main rakh nahin sakta