گڑھی میرا
میں تھا اور پھول تھے اک گوشۂ تنہائی میں ہم سے کچھ دور پرندے بھی تھے گہرائی میں نیلگوں آسماں شفاف نظر آتا تھا بہتا پانی بھی بہت صاف نظر آتا تھا دھوپ تھی تیز مگر دل کو بھلی لگتی تھی وادیٔ سبز محبت کی گلی لگتی تھی چادریں اوڑھے ہوئے لڑکیاں حیران سی تھیں میرے ہمراہ وہ اک خواب پریشان سی تھیں بات کرتے ہوئے ہنستے ہوئے ڈر جاتی تھیں سرخ پھولوں کے سمٹنے پہ بکھر جاتی تھیں جسم سے دل کے تعلق کا حوالہ بھی نہ تھا کھوئی چیزوں کو کوئی ڈھونڈنے والا بھی نہ تھا ہر طرف گزرے ہوئے وقت کی خاموشی تھی یاد اک یاد نہ تھی صرف فراموشی تھی ختم ہوتی ہوئی اک شام ادھوری تھی بہت زندگی سے یہ ملاقات ضروری تھی بہت
English rendering
Main tha aur phool the ek gosha-e-tanhaai mein Hum se kuchh door parinde bhi the gehraai mein Neelgoon aasmaan shafaaf nazar aata tha Behta paani bhi bahut saaf nazar aata tha Dhoop thi tez magar dil ko bhali lagti thi Waadi-e-sabz mohabbat ki gali lagti thi Chaadarein orhe hue larkiyaan hairaan si theen Mere hamraah woh ek khwaab pareshaan si theen Baat karte hue hanste hue dar jaati theen Surkh phoolon ke simatne pe bikhar jaati theen Jism se dil ke taalluq ka hawaala bhi na tha Khoi cheezon ko koi dhoondne waala bhi na tha Har taraf guzre hue waqt ki khaamoshi thi Yaad ek yaad na thi sirf faraamoshi thi Khatam hoti hui ek shaam adhoori thi bahut Zindagi se yeh mulaaqaat zaroori thi bahut