کسی کی دین ہے لیکن مری ضرورت ہے
کسی کی دین ہے لیکن مری ضرورت ہے جنوں کمال نہیں ہے کمال وحشت ہے میں زندگی کے سبھی غم بھلائے بیٹھا ہوں تمہارے عشق سے کتنی مجھے سہولت ہے گزر گئی ہے مگر روز یاد آتی ہے وہ ایک شام جسے بھولنے کی حسرت ہے زمانے والے تو شاید نہیں کسی قابل جو ملتا رہتا ہوں ان سے مری مروت ہے ہوا بہار کی آئے گی اور میں چوموں گا وہ سارے پھول کہ جن میں تری شباہت ہے خدا رکھے تری آنکھوں کی دل نوازی کو تری نگاہ مری عمر بھر کی دولت ہے ترے بغیر بجھا جا رہا ہوں اندر سے جو ٹھیک ٹھاک ہوں باہر سے تو یہ عادت ہے جو ہو سکے تو مجھے اپنے پاس رکھ لینا ترا وصال تو اک ثانوی سعادت ہے ترے بغیر کوئی کیسے زندہ رہتا ہے مگر میں ہوں کہ یہی عشق کی روایت ہے
English rendering
Kisi ki den hai lekin meri zarurat hai Junoon kamal nahin hai kamal wahshat hai Main zindagi ke sabhi gham bhulaye baitha hoon Tumhare ishq se kitni mujhe sahulat hai Guzar gayi hai magar roz yaad aati hai Woh ek sham jise bhoolne ki hasrat hai Zamane wale to shayad nahin kisi qabil Jo milta rehta hoon un se meri murawwat hai Hawa bahar ki aayegi aur main choomunga Woh sare phool ke jin mein teri shabahat hai Khuda rakhe teri aankhon ki dil nawazish ko Teri nigah meri umr bhar ki daulat hai Tere baghair bujha ja raha hoon andar se Jo theek thaak hoon bahar se to yeh aadat hai Jo ho sake to mujhe apne paas rakh lena Tera visal to ek sanvi saadat hai Tere baghair koi kaise zinda rehta hai Magar main hoon ke yahi ishq ki riwayat hai