نیم تاریک محبت
نیم تاریک محبت کی دلآویزی میں جگمگاتی ہے تری یاد کی موہوم کرن چمک اٹھتا ہے ترے درد میں ڈوبا ہوا چاند تجھ کو چھونے کی تمنا میں گزرتے بادل میرے ہاتھوں کی لکیروں میں ٹھہر جاتے ہیں کسی پر شور سمندر کا تلاطم لے کر چاندنی آ کے دل و جاں پہ بکھر جاتی ہے نہیں معلوم کہ وہ پھول کہاں کھلتے ہیں جن کی خوشبو مری آنکھوں میں اتر جاتی ہے نیم تاریک محبت کی دلآویزی میں لوگ کہتے ہیں کہ اک عمر گزر جاتی ہے
English rendering
Neem tareek mohabbat ki dil-aavezi mein Jagmagati hai teri yaad ki mauhoom kiran Chamak uthta hai tere dard mein dooba hua chaand Tujh ko chhoone ki tamanna mein guzarte baadal Mere haathon ki lakeeron mein thehar jaate hain Kisi par shor samandar ka talatum le kar Chaandni aa ke dil o jaan pe bikhar jaati hai Nahin maloom keh woh phool kahaan khilte hain Jin ki khushboo meri aankhon mein utar jaati hai Neem tareek mohabbat ki dil-aavezi mein Log kehte hain keh ek umr guzar jaati hai