زہرا نگاہ

English rendering

Chhalak rahi hai mai-e-naab tashnagi ke liye Sanwar rahi hai teri bazm barhami ke liye Nahin nahin humein ab teri justajoo bhi nahin Tujhe bhi bhool gaye hum teri khushi ke liye Jo teergi mein huvaida ho qalb-e-insaan se Zia nawaaz woh shola hai teergi ke liye Kahan ke ishq-o-mohabbat kidhar ke hijr-o-wisaal Abhi to log taraste hain zindagi ke liye Jahaan-e-nau ka tasawwur hayaat-e-nau ka khayal Bade fareb diye tum ne bandagi ke liye Mai-e-hayat mein shaamil hai talkhi-e-dauraan Jabhee to pee ke taraste hain bekhudi ke liye