اب اختیار میں موجیں نہ یہ روانی ہے
اب اختیار میں موجیں نہ یہ روانی ہے میں بہہ رہا ہوں کہ میرا وجود پانی ہے میں اور میری طرح تو بھی اک حقیقت ہے پھر اس کے بعد جو بچتا ہے وہ کہانی ہے ترے وجود میں کچھ ہے جو اس زمیں کا نہیں ترے خیال کی رنگت بھی آسمانی ہے ذرا بھی دخل نہیں اس میں ان ہواؤں کا ہمیں تو مصلحتاً اپنی خاک اڑانی ہے یہ خواب گاہ یہ آنکھیں یہ میرا عشق قدیم ہر ایک چیز مری ذات میں پرانی ہے وہ ایک دن جو تجھے سوچنے میں گزرا تھا تمام عمر اسی دن کی ترجمانی ہے نواح جاں میں بھٹکتی ہیں خوشبوئیں جس کی وہ ایک پھول کہ لگتا ہے رات رانی ہے ارادتاً تو کہیں کچھ نہیں ہوا لیکن میں جی رہا ہوں یہ سانسوں کی خوش گمانی ہے
English rendering
Ab ikhtiyaar mein maujein na yeh rawaani hai Main beh raha hoon ke mera wajood paani hai Main aur meri tarah to bhi ik haqeeqat hai Phir is ke baad jo bachta hai woh kahaani hai Tere wajood mein kuchh hai jo is zameen ka nahin Tere khayaal ki rangat bhi aasmaani hai Zara bhi dakhal nahin is mein in hawaaon ka Hamein to maslahatan apni khaak uraani hai Yeh khwaab gaah yeh aankhein yeh mera ishq qadeem Har ek cheez meri zaat mein puraani hai Woh ek din jo tujhe sochne mein guzra tha Tamaam umr usi din ki tarjumaani hai Nawaah-e-jaan mein bhatakti hain khushbooein jis ki Woh ek phool ke lagta hai raat raani hai Iraadatan to kahin kuchh nahin hua lekin Main ji raha hoon yeh saanson ki khush-gumaani hai