دعا کے بس کا نہیں بد دعا کے بس کا نہیں
دعا کے بس کا نہیں بد دعا کے بس کا نہیں اک ایسا بندہ ہوں میں جو خدا کے بس کا نہیں وہ سر پٹکتی ہے جھنجھلاتی ہے مرے اوپر بس ایک تنکا ہوں میں اور ہوا کے بس کا نہیں ہجوم چارہ گراں دنگ ہے ترا بیمار کسی بھی زہر کسی بھی دوا کے بس کا نہیں برہنہ ہونا پڑے گا تجھے بھی میرے ساتھ کہ ایک لمس بھی بند قبا کے بس کا نہیں مجھے تو چھوڑ کہ میں اک جہان دیگر ہوں مرا خیال بھی اس بے وفا کے بس کا نہیں خموشیو! تمہیں میرا بیان ہونا ہے وہ دکھ ہوں میں کہ جو صوت و صدا کے بس کا نہیں یہی زمیں مرا دوزخ یہی زمیں جنت مرا مزاج سزا و جزا کے بس کا نہیں مرے وجود میں تو تھا جہاں خلا ہے اب جو تیرے بس کا نہ تھا اب خلا کے بس کا نہیں
English rendering
Dua ke bas ka nahin bad dua ke bas ka nahin Ik aisa banda hoon main jo Khuda ke bas ka nahin Woh sar patakti hai jhunjhlati hai mere oopar Bas ek tinka hoon main aur hawa ke bas ka nahin Hujoom-e-chara garan dang hai tera beemar Kisi bhi zehar kisi bhi dawa ke bas ka nahin Barahna hona pare ga tujhe bhi mere saath Ke ek lams bhi band-e-qaba ke bas ka nahin Mujhe to chhor ke main ik jahan-e-digar hoon Mera khayal bhi is be-wafa ke bas ka nahin Khamoshiyo! tumhein mera bayan hona hai Woh dukh hoon main ke jo saut o sada ke bas ka nahin Yehi zameen mera dozakh yehi zameen jannat Mera mizaj saza o jaza ke bas ka nahin Mere wajood mein tu tha jahan khala hai ab Jo tere bas ka na tha ab khala ke bas ka nahin