ابھیشک شکلا

English rendering

Surkh sahar se hai to bas itna sa gila hum logon ka Hijr charaghon mein phir shab bhar khoon jala hum logon ka Hum wahshi the wahshat mein bhi ghar se kabhi bahar na rahe Jangal jangal phir bhi kitna naam hua hum logon ka Aur to kuchh nuqsan hua ho khwab mein yaad nahin hai magar Ek sitara zarb-e-sahar se toot gaya hum logon ka Yeh jo hum takhleeq-e-jahan-e-nau mein lage hain pagal hain Door se hum ko dekhne wale haath bata hum logon ka Bigre the bigre hi rahe aur umr guzari masti mein Duniya duniya karne se jab kuchh na bana hum logon ka Khak ki shohrat dekh ke hum bhi khak hue the pal bhar ko Phir to taaqub karti rahi ik umr hawa hum logon ka Shab bhar ik aawaz banayi subah hui to cheekh pare Roz ka ik mamool hai ab to khwab-zada hum logon ka