ہم ایسے سوئے بھی کب تھے ہمیں جگا لاتے
ہم ایسے سوئے بھی کب تھے ہمیں جگا لاتے کچھ ایک خواب تو شب خون سے بچا لاتے زیاں تو دونوں طرح سے ہے اپنی مٹی کا ہم آب لاتے کہ اپنے لیے ہوا لاتے پتہ جو ہوتا کہ نکلے گا چاند جیسا کچھ ہم اپنے ساتھ ستاروں کو بھی اٹھا لاتے ہمیں یقین نہیں تھا خود اپنی رنگت پر ہم اس زمیں کی ہتھیلی پہ رنگ کیا لاتے بس اور کچھ بھی نہیں چاہتا تھا میں تم سے ذرا سی چیز تھی دنیا کہیں چھپا لاتے ہمارے عزم کی شدت اگر سمجھنی تھی تو اس سفر میں کوئی سخت مرحلہ لاتے
English rendering
Hum aise soye bhi kab the hamein jaga laate Kuchh ek khwaab to shab-khoon se bacha laate Ziyaan to donon tarah se hai apni mitti ka Hum aab laate ke apne liye hawa laate Pata jo hota ke nikle ga chaand jaisa kuchh Hum apne saath sitaaron ko bhi utha laate Hamein yaqeen nahin tha khud apni rangat par Hum is zameen ki hatheli pe rang kya laate Bas aur kuchh bhi nahin chaahta tha main tum se Zara si cheez thi duniya kahin chhupa laate Hamaare azm ki shiddat agar samajhni thi To is safar mein koi sakht marhala laate