مٹی سے مشورہ نہ کر پانی کا بھی کہا نہ مان
مٹی سے مشورہ نہ کر پانی کا بھی کہا نہ مان اے آتش دروں مری پابندیٔ ہوا نہ مان ہر اک لغت سے ماورا میں ہوں عجب محاورہ میری زباں میں پڑھ مجھے دنیا کا ترجمہ نہ مان زندہ سماعتوں کا سوگ سنتے کہاں ہیں اب یہ لوگ تو بھی صدائیں دیتا رہ مجھ کو بھی بے صدا نہ مان یا تو وہ آب ہو بہت یا پھر سراب ہو بہت مٹی ہو جس کے جسم میں اس کو مرا خدا نہ مان ٹوٹے ہیں مجھ پہ قہر بھی میں نے پیا ہے زہر بھی میری زبان تلخ کا اتنا بھی اب برا نہ مان بس ایک دید بھر کا ہے پھر تو یہ وقفۂ حیات ان کے قریب جا مگر آنکھوں کی التجا نہ مان
English rendering
Mitti se mashwara na kar paani ka bhi kaha na maan Ae aatish-e-daroon meri paabandi-e-hawa na maan Har ik lughat se maawara main hoon ajab muhaawara Meri zabaan mein parh mujhe duniya ka tarjuma na maan Zinda samaaton ka sog sunte kahaan hain ab yeh log To bhi sadaaein deta reh mujh ko bhi be-sada na maan Ya to woh aab ho bohat ya phir saraab ho bohat Mitti ho jis ke jism mein us ko mera khuda na maan Toote hain mujh pe qahr bhi main ne piya hai zehr bhi Meri zabaan-e-talkh ka itna bhi ab bura na maan Bas ek deed bhar ka hai phir to yeh waqfa-e-hayaat Un ke qareeb ja magar aankhon ki iltija na maan