پکار اسے کہ اب اس خامشی کا حل نکلے
پکار اسے کہ اب اس خامشی کا حل نکلے جواب آئے تو ممکن ہے بات چل نکلے زمانہ آگ تھا اور عشق لو لگی رسی ہزار جل کے بھی کب اس بلا کے بل نکلے میں اپنی خاک پہ اک عمر تک برستا رہا تھما تو دیکھا کہ کیچڑ میں کچھ کمل نکلے میں جس میں خوش بھی تھا زندہ بھی تھا تمہارا بھی تھا کئی زمانے نچوڑوں تو ایک پل نکلے کچھ ایک خواب وہاں بو رہوں گا سوچا ہے وہ نین اگر مرے نینوں سے بھی سجل نکلے میں اپنے ہاتھوں کو روتا تھا ہر دعا کے بعد خدا کے ہاتھ تو مجھ سے زیادہ شل نکلے دیار عشق میں سب کا گزر نہیں ممکن کئی جو پیروں پہ آئے تھے سر کے بل نکلے بہار جذب ہے جس میں اسے بناتے ہوئے تمام رنگ مرے کینوس پہ ڈل نکلے جمی ہوئی تھی مری آنکھ اک الاؤ کے گرد کچھ ایک خواب تو یوں ہی پگھل پگھل نکلے بدل کے رکھ ہی دیا مجھ کو عمر بھر کے لیے تری ہی طرح ترے غم بھی بے بدل نکلے جو دل میں آئے تھے آہٹ اتار کر اپنی وہ دل سے نکلے تو پھر کتنا پر خلل نکلے
English rendering
Pukar use ke ab is khamoshi ka hal nikle Jawab aaye to mumkin hai baat chal nikle Zamana aag tha aur ishq lau lagi rassi Hazar jal ke bhi kab is bala ke bal nikle Main apni khak pe ik umr tak barasta raha Thama to dekha ke keechad mein kuchh kanwal nikle Main jis mein khush bhi tha zinda bhi tha tumhara bhi tha Kai zamane nichoroon to ek pal nikle Kuchh ek khwab wahan bo rahoon ga socha hai Woh nain agar mere nainon se bhi sajal nikle Main apne hathon ko rota tha har dua ke baad Khuda ke haath to mujh se zyada shal nikle Dayar-e-ishq mein sab ka guzar nahin mumkin Kai jo pairon pe aaye the sar ke bal nikle Bahar-e-jazb hai jis mein use banate hue Tamam rang mere canvas pe dhal nikle Jami hui thi meri aankh ik alaao ke gird Kuchh ek khwab to yoon hi pighal pighal nikle Badal ke rakh hi diya mujh ko umr bhar ke liye Teri hi tarah tere gham bhi be-badal nikle Jo dil mein aaye the aahat utar kar apni Woh dil se nikle to phir kitna pur-khalal nikle