سفر کے بعد بھی ذوق سفر نہ رہ جائے
سفر کے بعد بھی ذوق سفر نہ رہ جائے خیال و خواب میں اب کے بھی گھر نہ رہ جائے میں سوچتا ہوں بہت زندگی کے بارے میں یہ زندگی بھی مجھے سوچ کر نہ رہ جائے بس ایک خوف میں ہوتی ہے ہر سحر میری نشان خواب کہیں آنکھ پر نہ رہ جائے یہ بے حسی تو مری ضد تھی میرے اجزا سے کہ مجھ میں اپنے تعاقب کا ڈر نہ رہ جائے ہوائے شام ترا رقص ناگزیر سہی یہ میری خاک ترے جسم پر نہ رہ جائے اسی کی شکل لیا چاہتی ہے خاک مری سو شہر جاں میں کوئی کوزہ گر نہ رہ جائے گزر گیا ہو اگر قافلہ تو دیکھ آؤ پس غبار کسی کی نظر نہ رہ جائے میں ایک اور کھڑا ہوں حصار دنیا کے وہ جس کی ضد میں کھڑا ہوں ادھر نہ رہ جائے
English rendering
Safar ke baad bhi zauq-e-safar na reh jaaye Khayaal-o-khwaab mein ab ke bhi ghar na reh jaaye Main sochta hoon bohat zindagi ke baare mein Yeh zindagi bhi mujhe soch kar na reh jaaye Bas ek khauf mein hoti hai har sahar meri Nishaan-e-khwaab kahin aankh par na reh jaaye Yeh be-hissi to meri zid thi mere ajza se Ke mujh mein apne taaqub ka dar na reh jaaye Hawa-e-shaam tera raqs naaguzeer sahi Yeh meri khaak tere jism par na reh jaaye Usi ki shakl liya chahti hai khaak meri So shehr-e-jaan mein koi koza-gar na reh jaaye Guzar gaya ho agar qaafila to dekh aao Pas-e-ghubaar kisi ki nazar na reh jaaye Main ek aur khara hoon hisaar-e-duniya ke Woh jis ki zid mein khara hoon udhar na reh jaaye