یہ اور بات ترے دل میں گھر نہیں کروں گا
یہ اور بات ترے دل میں گھر نہیں کروں گا پر اس مقام سے آگے سفر نہیں کروں گا دعائیں کیا دوں اسے زندگی کی اتنا ہے میں زہر ہوں مگر اس پر اثر نہیں کروں گا کسی سے جھوٹی محبت کسی سے سچا بیر میں کر تو سکتا ہوں یہ سب مگر نہیں کروں گا دوام بخش تو سکتا ہوں خامشی کو مگر یہ کام میں کسی آواز پر نہیں کروں گا کیا جو وقت پر اس کا مآل دیکھ چکا کوئی بھی کام میں اب وقت پر نہیں کروں گا گزار دوں گا میں اپنے فراق میں خود کو خود اپنے ہونے کی خود کو خبر نہیں کروں گا
English rendering
Yeh aur baat tere dil mein ghar nahin karoon ga Par is maqaam se aage safar nahin karoon ga Duaaein kya doon use zindagi ki itna hai Main zehr hoon magar us par asar nahin karoon ga Kisi se jhooti mohabbat kisi se sachcha bair Main kar to sakta hoon yeh sab magar nahin karoon ga Dawaam bakhsh to sakta hoon khaamushi ko magar Yeh kaam main kisi aawaaz par nahin karoon ga Kiya jo waqt par us ka maal dekh chuka Koi bhi kaam main ab waqt par nahin karoon ga Guzaar doon ga main apne firaaq mein khud ko Khud apne hone ki khud ko khabar nahin karoon ga