اچانک دل ربا موسم کا دل آزار ہو جانا
اچانک دل ربا موسم کا دل آزار ہو جانا دعا آساں نہیں رہنا سخن دشوار ہو جانا تمہیں دیکھیں نگاہیں اور تم کو ہی نہیں دیکھیں محبت کے سبھی رشتوں کا یوں نادار ہو جانا ابھی تو بے نیازی میں تخاطب کی سی خوشبو تھی ہمیں اچھا لگا تھا درد کا دل دار ہو جانا اگر سچ اتنا ظالم ہے تو ہم سے جھوٹ ہی بولو ہمیں آتا ہے پت جھڑ کے دنوں گل بار ہو جانا ابھی کچھ ان کہے الفاظ بھی ہیں کنج مژگاں میں اگر تم اس طرف آؤ صبا رفتار ہو جانا ہوا تو ہم سفر ٹھہری سمجھ میں کس طرح آئے ہواؤں کا ہماری راہ میں دیوار ہو جانا ابھی تو سلسلہ اپنا زمیں سے آسماں تک تھا ابھی دیکھا تھا راتوں کا سحر آثار ہو جانا ہمارے شہر کے لوگوں کا اب احوال اتنا ہے کبھی اخبار پڑھ لینا کبھی اخبار ہو جانا
English rendering
Achanak dilruba mausam ka dil-aazar ho jaana Dua aasaan nahin rehna sukhan dushwaar ho jaana Tumhein dekhein nigaahein aur tum ko hi nahin dekhein Mohabbat ke sabhi rishton ka yun nadaar ho jaana Abhi toh be-niyazi mein takhatub ki si khushboo thi Hamein achha laga tha dard ka dil-daar ho jaana Agar sach itna zaalim hai toh hum se jhoot hi bolo Hamein aata hai pat-jhad ke dinon gul-baar ho jaana Abhi kuch un-kahe alfaaz bhi hain kunj-e-mizhgan mein Agar tum iss taraf aao saba-raftaar ho jaana Hawa toh humsafar thehri samajh mein kis tarah aaye Hawaaon ka hamari raah mein deewar ho jaana Abhi toh silsila apna zameen se aasmaan tak tha Abhi dekha tha raaton ka sahar-aasaar ho jaana Hamare shehar ke logon ka ab ahwaal itna hai Kabhi akhbar padh lena kabhi akhbar ho jaana