یہی نہیں کہ زخم جاں کو چارہ جو ملا نہیں
یہی نہیں کہ زخم جاں کو چارہ جو ملا نہیں یہ حال تھا کہ دل کو اسم آرزو ملا نہیں ابھی تلک جو خواب تھے چراغ تھے گلاب تھے وہ رہ گزر کوئی نہ تھی کہ جس پہ تو ملا نہیں تمام عمر کی مسافتوں کے بعد ہی کھلا کبھی کبھی وہ پاس تھا جو چار سو ملا نہیں وہ جیسے اک خیال تھا جو زندگی پہ چھا گیا رفاقتیں تھیں اور یوں کہ روبرو ملا نہیں تمام آئنوں میں عکس تھے مری نگاہ کے بھرے نگر میں ایک بھی مجھے عدو ملا نہیں وراثتوں کے ہاتھ میں جو اک کتاب تھی ملی کتاب میں جو حرف ہے ستارہ خو ملا نہیں وہ کیسی آس تھی ادا جو کو بہ کو لیے پھری وہ کچھ تو تھا جو دل کو آج تک کبھو ملا نہیں
English rendering
Yahi nahin ke zakhm-e-jaan ko chaara-jo mila nahin Ye haal tha ke dil ko ism-e-aarzoo mila nahin Abhi talak jo khwab the charagh the gulab the Woh rahguzar koi na thi ke jis pe tu mila nahin Tamaam umr ki musaafaton ke baad hi khula Kabhi kabhi woh paas tha jo chaar soo mila nahin Woh jaise ek khayal tha jo zindagi pe chhaa gaya Rafaqatain thin aur yun ke rubaru mila nahin Tamaam aainon mein aks the meri nigah ke Bhare nagar mein ek bhi mujhe adoo mila nahin Virasaton ke haath mein jo ek kitab thi mili Kitaab mein jo harf hai sitara khu mila nahin Woh kaisi aas thi ada jo koo ba koo liye phiri Woh kuch to tha jo dil ko aaj tak kabhu mila nahin