ادا جعفری

English rendering

Gulon si guftugu karein qayamatton ke darmiyan Hum aise log ab milein hikayaton ke darmiyan Lahoolahan ungliyan hain aur chup khadi hoon main Gul o saman ki bepanah chaahaton ke darmiyan Hatheliyon ki oat hi chiragh le chalun abhi Abhi sahar ka zikr hai riwayaton ke darmiyan Jo dil mein thi nigah si nigah mein kiran si thi Wo dastaan ulajh gayi wazahaton ke darmiyan Sahifa-e-hayat mein jahan jahan likhi gayi Likhi gayi hadees-e-jaan jarahaton ke darmiyan Koi nagar koi gali shajar ki chhaon hi sahi Yeh zindagi na kat sake musafaton ke darmiyan Ab us ke khaal o khad ka rang mujh se poochhna abas Nigah jhapak jhapak gayi iradaton ke darmiyan Saba ka haath thaam kar Ada na chal sakogi tum Tamaam umr khwab khwab saaton ke darmiyan