کانٹا سا جو چبھا تھا وہ لو دے گیا ہے کیا
کانٹا سا جو چبھا تھا وہ لو دے گیا ہے کیا گھلتا ہوا لہو میں یہ خورشید سا ہے کیا پلکوں کے بیچ سارے اجالے سمٹ گئے سایہ نہ ساتھ دے یہ وہی مرحلہ ہے کیا میں آندھیوں کے پاس تلاش صبا میں ہوں تم مجھ سے پوچھتے ہو مرا حوصلہ ہے کیا ساگر ہوں اور موج کے ہر دائرے میں ہوں ساحل پہ کوئی نقش قدم کھو گیا ہے کیا سو سو طرح لکھا تو سہی حرف آرزو اک حرف آرزو ہی مری انتہا ہے کیا اک خواب دل پذیر گھنی چھاؤں کی طرح یہ بھی نہیں تو پھر مری زنجیر پا ہے کیا کیا پھر کسی نے قرض مروت ادا کیا کیوں آنکھ بے سوال ہے دل پھر دکھا ہے کیا
English rendering
Kanta sa jo chubha tha wo lau de gaya hai kya Ghulta hua lahoo mein yeh khurshid sa hai kya Palkon ke beech saare ujaale simat gaye Saya na saath de yeh wohi marhala hai kya Main aandhiyon ke paas talash-e-saba mein hoon Tum mujh se poochhte ho mera hausla hai kya Sagar hoon aur mauj ke har daire mein hoon Sahil pe koi naqsh-e-qadam kho gaya hai kya Sau sau tarah likha to sahi harf-e-arzoo Ek harf-e-arzoo hi meri inteha hai kya Ek khwab-e-dil-pazeer ghani chhaon ki tarah Yeh bhi nahin to phir meri zanjeer-e-paa hai kya Kya phir kisi ne qarz-e-murawwat ada kiya Kyun aankh be-sawal hai dil phir dukha hai kya