نقش بر آب
سال ہا سال محبت جو بُنا کرتی ہے رشتۂ قلب و نظر پیلۂ ریشم کی طرح ایک جھونکا بھی حوادث کا اسے کافی ہے پہلوئے گُل میں دھڑکتی ہوئی شبنم کی طرح یہ محبت کے بنائے ہوئے ایوان بلند ایک ٹھوکر بھی زمانے کی نہیں سہہ سکتے آبگینے یہ بہت نازک و نارستہ ہیں موج کی گود میں تادیر نہیں رہ سکتے گرم رفتار سبک سیر کے رہوارِ حیات آرزوؤں کے گھروندے کو یہ ڈھا دے نہ کہیں تلخ تر جام کے ہاتھوں میں نظامِ نو کے خوابِ نوشیں کی حلاوت کو مٹادے نہ کہیں عشق کے ہاتھ میں روشن ہے جو ننھا سا دیا عقل کی تند ہوا اس کو بجھا ہی دے گی تو نے دیکھی ہی نہیں پنجۂ عسرت کی گرفت روح کو قیدِ تمنا سے چھڑا ہی دے گی گل ہی جائے گی کسی روز جنوں کی زنجیر وقت ہر خواب کی تعبیر بتا دیتا ہے کروٹیں لیتا ہے احساس جو بیداری کا لوریاں دے کے امنگوں کو سلا دیتا ہے نقش بر آب ہے وابستگیٔ حسن و شباب نکہتِ گل کی طرح عشق ہے پابندِ ہوا اس سے بہتر تھا کہ مجھ سے تجھے نفرت ہوتی پھول مرجھاتے ہیں کانٹا نہیں مرجھا سکتا تیر نفرت کا رہا کرتا ہے دل میں پیوست شمع یہ تیرگیٔ غم میں تابندہ رہے دستِ نفرت کی بنائی ہوئی دیوار اداؔ سنگ و آہن کی طرح پختہ و پائندہ رہے عزم ہوجائیں گے افسردہ، ارادے مفلوج گوش لذتِ کشِ گلبانگِ جلاجل کیوں ہو منزلیں اور بھی کتنی ہیں محبت کے سوا روحِ آزاد گرفتارِ سلاسل کیوں ہو!
English rendering
Saal ha saal mohabbat jo buna karti hai Rishta-e-qalb-o-nazar peela-e-resham ki tarah Ek jhonka bhi hawadis ka use kaafi hai Pahlu-e-gul mein dhadakti hui shabnam ki tarah Ye mohabbat ke banaye hue aiwaan-e-buland Ek thokar bhi zamane ki nahin seh sakte Aabgine ye bahut nazuk o na-rasta hain Mauj ki god mein ta-der nahin reh sakte Garm-raftaar subuk-sair ke rahwaar-e-hayat Aarzooyon ke gharaunde ko ye dha de na kaheen Talkh-tar jaam ke haathon mein nizam-e-nau ke Khwab-e-nosheen ki halawat ko mita de na kaheen Ishq ke haath mein raushan hai jo nanha sa diya Aql ki tund hawa us ko bujha hi degi To ne dekhi hi nahin panja-e-usrat ki giraft Rooh ko qaid-e-tamanna se chhuda hi degi Gal hi jayegi kisi roz junoon ki zanjeer Waqt har khwab ki taabeer bata deta hai Karwatein leta hai ehsaas jo bedaari ka Loriyan de ke umangon ko sula deta hai Naqsh bar aab hai wabastagi-e-husn-o-shabab Nukhat-e-gul ki tarah ishq hai paband-e-hawa Is se behtar tha ke mujh se tujhe nafrat hoti Phool murjhate hain kaanta nahin murjha sakta Teer nafrat ka raha karta hai dil mein paiwast Shama' ye teergi-e-gham mein tabinda rahe Dast-e-nafrat ki banai hui deewar-e-ada Sang-o-aahan ki tarah pukhta-o-paainda rahe Azm ho jayenge afsurda, iraade maflooj Gosh lazzat-kash-e-gulbang-e-jalajal kyon ho Manzilein aur bhi kitni hi hain mohabbat ke siwa Rooh-e-azad giraftar-e-salasil kyon ho!