وہی ناصبوریِ آرزو ، وہی نقشِ پا، وہی جادہ ہے
وہی ناصبوریِ آرزو ، وہی نقشِ پا ، وہی جادہ ہے کوئی سنگِ رہ کو خبر کرو ، اُسی آستاں کا ارادہ ہے وہی اشکِ خوں کے گلاب ہیں ، وہی خار خار ہے پیرہن نہ کرم کی آس بجھی ابھی ، نہ ستم کی دُھوپ زیادہ ہے ابھی روشنی کی لکیر سی سرِ رہ گزار ہے جاں بلب کسی دل کی آس مٹی نہیں ، کہیں اک دریچہ کشادہ ہے تنِ زخم زخم کو چھوڑ دے ، مرے چارہ گر ، مرے مہرباں دل داغ داغ کا حوصلہ تری مرحمت سے زیادہ ہے جونظر بچا کے گزر گئے تو نہ آسکو گے پلٹ کے تم بڑی محترم ہے یہ بے بسی کہ خلوصِ جاں کا لبادہ ہے یہی زندگی ہے بری بھلی ، یہ کشیدہ سر ، یہ برہنہ پا نہ غبارِ راہ سے مضمحل ، نہ سکونِ جاں کا اعادہ ہے مرا افتخارِ وفا تلک مجھے راس آ نہ سکا اداؔ ترا نام جس پہ لکھا رہا ، وہ کتاب آج بھی سادہ ہے
English rendering
Wohi nasaburi-e-arzoo, wohi naqsh-e-pa, wohi jaada hai Koi sang-e-reh ko khabar karo, usi aastaan ka irada hai Wohi ashk-e-khoon ke gulaab hain, wohi khaar khaar hai peerahun Na karam ki aas bujhi abhi, na sitam ki dhoop zyada hai Abhi roshni ki lakeer si sar-e-rehguzaar hai jaan balab Kisi dil ki aas mitti nahin, kahin ik dareecha kushada hai Tan-e-zakhm zakhm ko chhod de, mere chara-gar, mere meherban Dil dagh dagh ka hausla teri marhamat se zyada hai Jo nazar bacha ke guzar gaye to na aa sako ge palat ke tum Bari mohtaram hai yeh be-basi ke khuloos-e-jaan ka libada hai Yehi zindagi hai buri bhali, yeh kasheeda sar, yeh barhana pa Na ghubaar-e-raah se muzmahil, na sukoon-e-jaan ka iada hai Mera iftikhaar-e-wafa talak mujhe raas aa na saka Adaaؔ Tera naam jis pe likha raha, woh kitaab aaj bhi saada hai