اپنے گھر کی کھڑکی سے میں آسمان کو دیکھوں گا
اپنے گھر کی کھڑکی سے میں آسمان کو دیکھوں گا جس پر تیرا نام لکھا ہے اس تارے کو ڈھونڈوں گا تم بھی ہر شب دیا جلا کر پلکوں کی دہلیز پہ رکھنا میں بھی روز اک خواب تمہارے شہر کی جانب بھیجوں گا ہجر کے دریا میں تم پڑھنا لہروں کی تحریریں بھی پانی کی ہر سطر پہ میں کچھ دل کی باتیں لکھوں گا جس تنہا سے پیڑ کے نیچے ہم بارش میں بھیگے تھے تم بھی اس کو چھو کے گزرنا میں بھی اس سے لپٹوں گا خواب مسافر لمحوں کے ہیں ساتھ کہاں تک جائیں گے تم نے بالکل ٹھیک کہا ہے میں بھی اب کچھ سوچوں گا بادل اوڑھ کے گزروں گا میں تیرے گھر کے آنگن سے قوس قزح کے سب رنگوں میں تجھ کو بھیگا دیکھوں گا بے موسم بارش کی صورت دیر تلک اور دور تلک تیرے دیار حسن پہ میں بھی کن من کن من برسوں گا شرم سے دہرا ہو جائے گا کان پڑا وہ بندا بھی باد صبا کے لہجے میں اک بات میں ایسی پوچھوں گا صفحہ صفحہ ایک کتاب حسن سی کھلتی جائے گی اور اسی کی لے میں پھر میں تم کو ازبر کر لوں گا وقت کے اک کنکر نے جس کو عکسوں میں تقسیم کیا آب رواں میں کیسے امجدؔ اب وہ چہرا جوڑوں گا
English rendering
Apne ghar ki khidki se main aasman ko dekhunga Jis par tera naam likha hai us taare ko dhoondunga Tum bhi har shab diya jala kar palkon ki dehleez pe rakhna Main bhi roz ik khwab tumhare shehar ki jaanib bhejunga Hijr ke darya mein tum padhna lahron ki tahreerein bhi Paani ki har satar pe main kuch dil ki baatein likhunga Jis tanha se peR ke neeche hum baarish mein bheegay thhe Tum bhi us ko chhoo ke guzarna main bhi us se lipatunga Khwab musafir lamhon ke hain saath kahan tak jaayenge Tum ne bilkul theek kaha hai main bhi ab kuch sochunga Baadal odh ke guzroonga main tere ghar ke aangan se Qaus-e-qazaa ke sab rangon mein tujh ko bheega dekhunga Be-mausam baarish ki soorat der talak aur door talak Tere diyar-e-husn pe main bhi kan-man kan-man barsoonga Sharm se dohra ho jaayega kaan paRa woh banda bhi Baad-e-saba ke lehje mein ik baat main aisi poochunga Safha safha ek kitaab-e-husn si khulti jaayegi Aur isi ki lay mein phir main tum ko azbar kar loonga Waqt ke ik kankar ne jis ko akson mein taqseem kiya Aab-e-rawan mein kaise Amjad, ab woh chehra jorunga