جو اتر کے زینۂِ شام سے تیری چشم ِخوش میں سما گئے
جو اتر کے زینۂِ شام سے تیری چشم ِخوش میں سما گئے وہی جلتے بجھتے سے مہر و ماہ میرے بام و در کو سجا گئے یہ عجیب کھیل ہے عشق کا میں نے آپ دیکھا یہ معجزہ وہ جو لفظ میرے گماں میں تھے وہ تیری زبان پر آگئے وہ جو گیت تم نے سنا نہیں میری عمر بھر کا ریاض تھا میرے درد کی تھی داستاں جسے تم ہنسی میں اڑا گئے وہ چراغ ِجاں کبھی جس کی لو نہ کسی ہوا سے نگوں ہوئی تیری بیوفائی کے وسوسے اسے چپکے چپکے بجھا گئے وہ تھا چاند شام ِوصال کا کہ تھا روپ تیرے جمال کا میری روح سے میری آنکھ تک کسی روشنی میں نہا گئے یہ جو بندگان ِنیاز ہے یہ تمام ہیں وہ لشکری جنہیں زندگی نے اماں نہ دی تو تیرے حضور میں آ گئے تیری بے رخی کے دیار میں میں ہوا کے ساتھ ہَوا ہوا تیرے آئینے کی تلاش میں میرے خواب چہرہ گنوا گئے تیرے وسوسوں کے فشار میں تیرا شرار ِرنگ اجڑ گیا میری خواہشوں کے غبار میں میرے ماہ و سال ِوفا گئے وہ عجیب پھول سے لفظ تھے تیرے ہونٹ جن سے مہک اٹھے میرے دشتِ خواب میں دور تک کوئی باغ جیسے لگا گئے میری عمر سے نہ سمٹ سکے میرے دل میں اتنے سوال تھے تیرے پاس جتنے جواب تھے تیری اک نگاہ میں آ گئے
English rendering
Jo utar ke zeenah-e-shaam se teri chashm-e-khush mein sama gaye Wohi jalte bujhte se mehar-o-maah mere baam-o-dar ko saja gaye Yeh ajeeb khel hai ishq ka main ne aap dekha yeh mojiza Woh jo lafz mere gumaan mein thhe woh teri zabaan par aa gaye Woh jo geet tum ne suna nahin meri umar bhar ka riyaz thha Mere dard ki thhi dastaan jise tum hansi mein uRa gaye Woh chiragh-e-jaan kabhi jis ki lau na kisi hawa se nigoon hui Teri bewafai ke waswase use chupke chupke bujha gaye Woh thha chand shaam-e-wisaal ka ke thha roop tere jamaal ka Meri rooh se meri aankh tak kisi roshni mein naha gaye Yeh jo bandagaan-e-niyaaz hai yeh tamam hain woh lashkari Jinhen zindagi ne amaan na di to tere huzoor mein aa gaye Teri be-rukhi ke diyar mein main hawa ke saath hawa huwa Tere aaine ki talaash mein mere khwab chehra ganwa gaye Tere waswason ke fashaar mein tera sharar-e-rang ujad gaya Meri khwahishon ke ghubaar mein mere maah-o-saal-e-wafa gaye Woh ajeeb phool se lafz thhe tere hont jin se mehak uthe Mere dasht-e-khwab mein door tak koi baagh jaise laga gaye Meri umar se na simat sake mere dil mein itne sawaal thhe Tere paas jitne jawaab thhe teri ik nigaah mein aa gaye