کوئی خواب دشتِ فراق میں سر ِشام چہرہ کشا ہوا
کوئی خواب دشتِ فراق میں سر ِشام چہرہ کشا ہوا مری چشم تر میں رکا نہیں کہ تھا رتجگوں کا ڈسا ہوا مرے دل کو رکھتا ہے شادماں، مرے ہونٹ رکھتا ہے گل فشاں وہی ایک لفظ جو آپ نے، مرے کان میں ہے کہا ہوا ہے نگاہ میں مری آج تک، وہ نگاہ کوئی جھکی ہوئی وہ جو دھیان تھا کسی دھیان میں، وہیں آج بھی ہے لگا ہوا مرے رتجگوں کے فشار میں، مری خواہشوں کے غبار میں وہی ایک وعدہ گلاب سا، سر ِنخل جاں ہے کھلا ہوا تری چشم ِخوش کی پناہ میں، کسی خواب زار کی راہ میں مرے غم کا چاند ٹھہر گیا، کہ تھا رات بھر کا تھکا ہوا کسی دل کشا سی پکار سے، اسی ایک بادِبہار سے کہیں برگ برگ نمو ملی ،کہیں زخم زخم ہرا ہوا ترے شہرِعدل سے آج کیا، سبھی درد مند چلے گئے؟ نہیں کاغذی کوئی پیرہن، نہیں ہاتھ کوئی اٹھا ہوا
English rendering
Koi khwab dasht-e-firaq mein sar-e-sham chehra kusha hua Meri chashm-e-tar mein ruka nahin ke tha ratjagoon ka dassa hua Mere dil ko rakhta hai shadman, mere honth rakhta hai gul fishan Wohi ek lafz jo aap ne, mere kaan mein hai kaha hua Hai nigah mein meri aaj tak, woh nigah koi jhuki hui Woh jo dhyan tha kisi dhyan mein, wahin aaj bhi hai laga hua Mere ratjagoon ke fishaar mein, meri khwahishon ke ghubar mein Wohi ek waada gulab sa, sar-e-nakhl-e-jaan hai khula hua Teri chashm-e-khush ki panah mein, kisi khwab-zar ki raah mein Mere gham ka chand thahar gaya, ke tha raat bhar ka thaka hua Kisi dilkusha si pukar se, isi ek baad-e-bahar se Kahin barg barg namu mili, kahin zakhm zakhm hara hua Tere shehr-e-adl se aaj kya, sabhi dard mand chale gaye? Nahin kaghazi koi pairahan, nahin haath koi utha hua