خلائے ذہن کے گنبد میں گونجتا ہوں میں
خلائے ذہن کے گنبد میں گونجتا ہوں میں خود اپنے عہد گزشتہ کی اک صدا ہوں میں سمیٹ لاتا ہوں موتی تمہاری یادوں کے جو خلوتوں کے سمندر میں ڈوبتا ہوں میں تمہیں بھی مجھ میں نہ شاید وہ پہلی بات ملے خود اپنے واسطے اب کوئی دوسرا ہوں میں جو دے سکو تو خنک سائے دو محبت کے خیال و خواب کی دنیا میں جل رہا ہوں میں وہ خود مجھی میں کہیں کھو گیا نہ ہو آزادؔ جسے خلائے زمانہ میں ڈھونڈتا ہوں میں
English rendering
Khala-e-zehn ke gumbad mein goonjta hoon main Khud apne ahd-e-guzishta ki ik sada hoon main Sameit laata hoon moti tumhari yaadon ke Jo khalwaton ke samandar mein doobta hoon main Tumhein bhi mujh mein na shayad woh pehli baat mile Khud apne waaste ab koi doosra hoon main Jo de sako to khunak saaye do mohabbat ke Khayal-o-khwab ki duniya mein jal raha hoon main Woh khud mujhi mein kahin kho gaya na ho Azad Jise khala-e-zamana mein dhoondta hoon main