ہجر کے ہاتھ سے اب خاک پڑے جینے میں
ہجر کے ہاتھ سے اب خاک پڑے جینے میں درد اک اور اٹھا آہ نیا سینے میں خون دل پینے سے جو کچھ ہے حلاوت ہم کو یہ مزا اور کسی کو نہیں مے پینے میں دل کو کس شکل سے اپنے نہ مصفا رکھوں جلوہ گر یار کی صورت ہے اس آئینے میں اشک و لخت جگر آنکھوں میں نہیں ہیں میرے ہیں بھرے لال و گہر عشق کے گنجینے میں شکل آئینہ ظفرؔ سے تو نہ رکھ دل میں خیال کچھ مزا بھی ہے بھلا جان مری لینے میں
English rendering
Hijr ke haath se ab khaak pade jeene mein Dard ek aur utha aah naya seene mein Khoon-e-dil peene se jo kuch hai halawat hum ko Ye maza aur kisi ko nahin mai peene mein Dil ko kis shakal se apne na musaffa rakhun Jalwa gar yaar ki surat hai us aaine mein Ashk-o-lakht-e-jigar aankhon mein nahin hain mere Hain bhare laal-o-gauhar ishq ke ganjine mein Shakal-e-aaina Zafar! se to na rakh dil mein khayal Kuch maza bhi hai bhala jaan meri lene mein