وہ سو سو اٹھکھٹوں سے گھر سے باہر دو قدم نکلے
وہ سو سو اٹھکھٹوں سے گھر سے باہر دو قدم نکلے بلا سے اس کی گر اس میں کسی مضطر کا دم نکلے کہاں آنسو کے قطرے خون دل سے ہیں بہم نکلے یہ دل میں جمع تھے مدت سے کچھ پیکان غم نکلے مرے مضمون سوز دل سے خط سب جل گیا میرا قلم سے حرف جو نکلے شرر ہی یک قلم نکلے نکال اے چارہ گر تو شوق سے لیکن سر پیکاں ادھر نکلے جگر سے تیر ادھر قالب سے دم نکلے تصور سے لب لعلیں کے تیرے ہم اگر رو دیں تو جو لخت جگر آنکھوں سے نکلے اک رقم نکلے نہیں ڈرتے اگر ہوں لاکھ زنداں یار زنداں سے جنون اب تو مثال نالۂ زنجیر ہم نکلے جگر پر داغ لب پر دود دل اور اشک دامن میں تری محفل سے ہم مانند شمع صبح دم نکلے اگر ہوتا زمانہ گیسوئے شب رنگ کا تیرے مری شب دیز سودا کا زیادہ تر قدم نکلے کجی جن کی طبیعت میں ہے کب ہوتی وہ سیدھی ہے کہو شاخ گل تصویر سے کس طرح خم نکلے شمار اک شب کیا ہم نے جو اپنے دل کے داغوں سے تو انجم چرخ ہشتم کے بہت سے ان سے کم نکلے خدا کے واسطے زاہد اٹھا پردہ نہ کعبہ کا کہیں ایسا نہ ہو یاں بھی وہی کافر صنم نکلے تمنا ہے یہ دل میں جب تلک ہے دم میں دم اپنے ظفرؔ منہ سے ہمارے نام اس کا دم بہ دم نکلے
English rendering
Wo sau sau uṭhkhaṭṭhoñ se ghar se baahar do qadam nikle Balā se us ki gar us mein kisi muztar ka dam nikle Kahāñ aansoo ke qatre khoon-e-dil se hain baham nikle Ye dil mein jama the muddat se kuchh paikān-e-gham nikle Mere mazmūñ-e-soz-e-dil se khat sab jal gaya mera Qalam se harf jo nikle sharar hi yak qalam nikle Nikāl ae chaara gar tu shauq se lekin sar-e-paikān Idhar nikle jigar se teer udhar qaalib se dam nikle Tasavvur se lab-e-la'leñ ke tere hum agar ro deñ To jo lakht-e-jigar aankhoñ se nikle ik raqam nikle Nahin ḍarte agar hoñ laakh zindāñ yaar-e-zindāñ se Junūñ ab to misāl-e-nāla zanjeer hum nikle Jigar par dāgh lab par dood-e-dil aur ashk dāman mein Teri mehfil se hum mānind-e-shama subh-dam nikle Agar hota zamāna gesū-e-shab-rang ka tere Meri shab-dīz-e-saudā ka ziyāda tar qadam nikle Kaji jin ki tabī'at mein hai kab hoti wo seedhī hai Kaho shākh-e-gul-e-tasveer se kis tarah kham nikle Shumār ik shab kya hum ne jo apne dil ke daghoñ se To anjum-e-charkh-e-hashtum ke bahut se un se kam nikle Khudā ke wāste zāhid uṭhā parda na kaaba ka Kaheñ aisa na ho yaañ bhi wahi kāfir-sanam nikle Tamannā hai ye dil mein jab talak hai dam mein dam apne Zafar muñh se hamāre naam us ka dam ba-dam nikle