جب کبھی دریا میں ہوتے سایہ افگن آپ ہیں
جب کبھی دریا میں ہوتے سایہ افگن آپ ہیں فلس ماہی کو بتاتے ماہ روشن آپ ہیں سیتے ہیں سوزن سے چاک سینہ کیا اے چارہ ساز خار غم سینے میں اپنے مثل سوزن آپ ہیں پیار سے کر کے حمائل غیر کی گردن میں ہاتھ مارتے تیغ ستم سے مجھ کو گردن آپ ہیں کھینچ کر آنکھوں میں اپنی سرمۂ دنبالہ دار کرتے پیدا سحر سے نرگس میں سوسن آپ ہیں دیکھ کر صحرا میں مجھ کو پہلے گھبرایا تھا قیس پھر جو پہچانا تو بولا حضرت من آپ ہیں جی دھڑکتا ہے کہیں تار رگ گل چبھ نہ جائے سیج پر پھولوں کی کرتے قصد خفتن آپ ہیں کیا مزا ہے تیغ قاتل میں کہ اکثر صید عشق آن کر اس پر رگڑتے اپنی گردن آپ ہیں مجھ سے تم کیا پوچھتے ہو کیسے ہیں ہم کیا کہیں جی ہی جانے ہے کہ جیسے مشفق من آپ ہیں پر غرور و پر تکبر پر جفا و پر ستم پر فریب و پر دغا پر مکر و پر فن آپ ہیں ظلم پیشہ ظلم شیوہ ظلم ران و ظلم دوست دشمن دل دشمن جاں دشمن تن آپ ہیں یکہ تاز و نیزہ باز و عربدہ جو تند خو تیغ زن دشنہ گزار و ناوک افگن آپ ہیں تسمہ کش طراز و غارت گر تاراج ساز کافر یغمائی و قزاق رہزن آپ ہیں فتنہ جو بیداد گر سفاک و اظلم کینہ ور گرم جنگ و گرم قتل و گرم کشتن آپ ہیں بد مزاج و بد دماغ و بد شعار و بد سلوک بد طریق و بد زباں بد عہد و بد ظن آپ ہیں بے مروت بے وفا نا مہرباں نا آشنا میرے قاتل میرے حاسد میرے دشمن آپ ہیں اے ظفرؔ کیا پائے قاتل کے ہے بوسے کی ہوس یوں جو بسمل ہو کے سرگرم طپیدن آپ ہیں
English rendering
Jab kabhi darya mein hote saya-afgan aap hain Fals-e-mahi ko batate mah-e-raushan aap hain Seete hain sozan se chaak-e-seena kya ae chara-saz Khar-e-gham seene mein apne misl-e-sozan aap hain Pyar se kar kar ke hamail ghair ki gardan mein haath Marte tegh-e-sitam se mujh ko gardan aap hain Kheench kar aankhon mein apni surma dumbaala-dar Karte paida sehar se nargis mein sosan aap hain Dekh kar sahra mein mujh ko pahle ghabraya tha Qais Phir jo pahchana to bola hazrat-e-man aap hain Ji dhadakta hai kahin taar-e-rag-e-gul chubh na jaaye Sej par phoolon ki karte qasd-e-khuftan aap hain Kya maza hai tegh-e-qatil mein ki aksar said-e-ishq Aan kar is par ragadte apni gardan aap hain Mujh se tum kya poochhte ho kaise hain hum kya kahen Ji hi jaane hai ki jaise mushfiq-e-man aap hain Pur-ghuroor-o-pur-takabbur pur-jafa-o-pur-sitam Pur-fareb-o-pur-dagha pur-makr-o-pur-fan aap hain Zulm-pesha zulm-shewa zulm-ran-o-zulm-dost Dushman-e-dil dushman-e-jaan dushman-e-tan aap hain Yakka-taz-o-neza-baz-o-arbada-joo tund-kho Tegh-zan dashna-guzar-o-nawak-afgan aap hain Tasma-kash taraz-o-gharat-gar taraj-saz Kafir-e-yaghmayi-o-qazzaq-e-rahzan aap hain Fitna-joo bedad-gar saffak-o-azlam-e-keena-war Garm-e-jang-o-garm-e-qatl-o-garm-e-kushtan aap hain Bad-mizaj-o-bad-dimagh-o-bad-shaar-o-bad-sulook Bad-tariq-o-bad-zaban bad-ahd-o-bad-zan aap hain Be-murawwat be-wafa na-mehrban na-ashna Mere qatil mere hasid mere dushman aap hain Ae Zafar! Kya paaye qatil ke hai bose ki hawas Yun jo bismil ho ke sargarm-e-tapidan aap hain