شمشیر برہنہ مانگ غضب بالوں کی مہک پھر ویسی ہی
شمشیر برہنہ مانگ غضب بالوں کی مہک پھر ویسی ہی جوڑے کی گندھاوٹ قہر خدا بالوں کی مہک پھر ویسی ہی آنکھیں ہیں کٹورا سی وہ ستم گردن ہے صراحی دار غضب اور اسی میں شراب سرخی پاں رکھتی ہے جھلک پھر ویسی ہی ہر بات میں اس کی گرمی ہے ہر ناز میں اس کے شوخی ہے قامت ہے قیامت چال پری چلنے میں پھڑک پھر ویسی ہی گر رنگ بھبوکا آتش ہے اور بینی شعلۂ سرکش ہے تو بجلی سی کوندے ہے پری عارض کی چمک پھر ویسی ہی نوخیز کچیں دو غنچہ ہیں ہے نرم شکم اک خرمن گل باریک کمر جو شاخ گل رکھتی ہے لچک پھر ویسی ہی ہے ناف کوئی گرداب بلا اور گول سریں رانیں ہیں صفا ہے ساق بلوریں شمع ضیا پاؤں کی کفک پھر ویسی ہی محرم ہے حباب آب رواں سورج کی کرن ہے اس پہ لپٹ جالی کی کرتی ہے وہ بلا گوٹے کی دھنک پھر ویسی ہی وہ گائے تو آفت لائے ہے ہر تال میں لیوے جان نکال ناچ اس کا اٹھائے سو فتنے گھنگرو کی جھنک پھر ویسی ہی ہر بات پہ ہم سے وہ جو ظفرؔ کرتا ہے لگاوٹ مدت سے اور اس کی چاہت رکھتے ہیں ہم آج تلک پھر ویسی ہی
English rendering
Shamshir-e-barhana mang-e-ghazab baalon ki mahak phir waisi hi Jode ki gandhawat qahar-e-khuda baalon ki mahak phir waisi hi Aankhen hain katora si woh sitam gardan hai surahi-dar-e-ghazab Aur isi mein sharab-e-surkhi-e-paan rakhti hai jhalak phir waisi hi Har baat mein us ki garmi hai har naz mein us ke shokhi hai Qamat hai qiyamat chaal pari chalne mein phadak phir waisi hi Gar rang-e-bhabooka aatish hai aur beeni shola-e-sarkash hai To bijli si konda hai pari ariz ki chamak phir waisi hi Naukhez kucheen do ghuncha hain hai narm-e-shikam ik khirman-e-gul Bareek kamar jo shakh-e-gul rakhti hai lachak phir waisi hi Hai naaf koi girdab-e-bala aur gol sareen ranen hain safa Hai saaq-e-biloreen sham'a-e-ziya paon ki kafak phir waisi hi Mahram hai habab-e-aab-e-rawan suraj ki kiran hai is pe lipat Jaali ki karti hai woh bala gote ki dhanak phir waisi hi Woh gaaye to aafat laye hai har taal mein lewe jaan nikal Naach is ka uthaye sau fitne ghungru ki jhanak phir waisi hi Har baat pe hum se woh jo Zafar! karta hai lagawat muddat se Aur is ki chahat rakhte hain hum aaj talak phir waisi hi