ٹکڑے نہیں ہیں آنسوؤں میں دل کے چار پانچ
ٹکڑے نہیں ہیں آنسوؤں میں دل کے چار پانچ سرخاب بیٹھے پانی میں ہیں مل کے چار پانچ منہ کھولے ہیں یہ زخم جو بسمل کے چار پانچ پھر لیں گے بوسے خنجر قاتل کے چار پانچ کہنے ہیں مطلب ان سے ہمیں دل کے چار پانچ کیا کہیے ایک منہ ہیں وہاں مل کے چار پانچ دریا میں گر پڑا جو مرا اشک ایک گرم بت خانے لب پہ ہو گئے ساحل کے چار پانچ دو چار لاشے اب بھی پڑے تیرے در پہ ہیں اور آگے دب چکے ہیں تلے گل کے چار پانچ راہیں ہیں دو مجاز و حقیقت ہے جن کا نام رستے نہیں ہیں عشق کی منزل کے چار پانچ رنج و تعب مصیبت و غم یاس و درد و داغ آہ و فغاں رفیق ہیں یہ دل کے چار پانچ دو تین جھٹکے دوں جوں ہی وحشت کے زور میں زنداں میں ٹکڑے ہوویں سلاسل کے چار پانچ فرہاد و قیس و وامق و عذرا تھے چار دوست اب ہم بھی آ ملے تو ہوئے مل کے چار پانچ ناز و ادا و غمزہ نگہ پنجۂ مژہ ماریں ہیں ایک دل کو یہ پل پل کے چار پانچ ایما ہے یہ کہ دیویں گے نو دن کے بعد دل لکھ بھیجے خط میں شعر جو بیدل کے چار پانچ ہیرے کے نورتن نہیں تیرے ہوئے ہیں جما یہ چاندنی کے پھول مگر کھل کے چار پانچ مینائے نہہ فلک ہے کہاں بادۂ نشاط شیشے ہیں یہ تو زہر ہلاہل کے چار پانچ ناخن کریں ہیں زخموں کو دو دو ملا کے ایک تھے آٹھ دس سو ہو گئے اب چھل کے چار پانچ گر انجم فلک سے بھی تعداد کیجئے نکلیں زیادہ داغ مرے دل کے چار پانچ ماریں جو سر پہ سل کو اٹھا کر قلق سے ہم دس پانچ ٹکڑے سر کے ہوں اور سل کے چار پانچ مان اے ظفرؔ تو پنج تن و چار یار کو ہیں صدر دین کی یہی محفل کے چار پانچ
English rendering
Tukde nahin hain aansuon mein dil ke char panch Surkhab baithe pani mein hain mil ke char panch Munh khole hain yeh zakhm jo bismil ke char panch Phir lenge bose khanjar-e-qatil ke char panch Kehne hain matlab in se hamen dil ke char panch Kya kahiye ek munh hain wahan mil ke char panch Darya mein gar pada jo mera ashk ek garm But-khane lab pe ho gaye sahil ke char panch Do char lashe ab bhi pade tere dar pe hain Aur aage dab chuke hain tale gul ke char panch Rahen hain do majaz o haqeeqat hai jin ka naam Raste nahin hain ishq ki manzil ke char panch Ranj o ta'ab museebat o gham yaas o dard o dagh Aah o faghan rafeeq hain yeh dil ke char panch Do teen jhatke doon joon hi wahshat ke zor mein Zindan mein tukde hoven salasil ke char panch Farhad o Qais o Wamiq o Azra the char dost Ab hum bhi aa mile to hue mil ke char panch Naz o ada o ghamza nigah panja-e-mizhgan Maren hain ek dil ko yeh pal pal ke char panch Aima hai yeh ke dewinge nau din ke bad dil Likh bheje khat mein sher jo Bedil ke char panch Heere ke navratan nahin tere hue hain jama Yeh chandni ke phool magar khil ke char panch Meena-e-na falak hai kahan baada-e-nishat Sheeshe hain yeh to zehar-e-halahal ke char panch Nakhan karen hain zakhmon ko do do mila ke ek The aath das so ho gaye ab chhil ke char panch Gar anjum-e-falak se bhi ta'adad keejiye Niklen ziyada dagh mere dil ke char panch Maren jo sar pe sil ko utha kar qalaq se hum Das panch tukde sar ke hon aur sil ke char panch Maan aye Zafar! tu panj-tan o char yar ko Hain sadr-e-deen ki yehi mahfil ke char panch