آگ لگ جائے گی اک دن مری سرشاری کو
آگ لگ جائے گی اک دن مری سرشاری کو میں جو دیتا ہوں ہوا روح کی چنگاری کو ورنہ یہ لوگ کہاں اپنی حدوں میں رہتے میں نے معقول کیا حاشیہ برداری کو یہ پرندے ہیں کہ درویش ہیں زندانوں کے کچھ سمجھتے ہی نہیں امر گرفتاری کو اب ہمیں زندگی کرنے میں سہولت دی جائے کھینچ لائے ہیں یہاں تک تو گراں باری کو ایک طوفان بلا خیز نے منظر بدلا پیڑ تیار ہوئے رسم نگوں ساری کو اس نے وہ زہر ہواؤں میں ملایا ہے کہ اب کونپلیں سر نہ اٹھائیں گی نموداری کو کون کھینچے گا مرے جسم کی زنجیر آزرؔ کون آسان کرے گا مری دشواری کو
English rendering
Aag lag jaayegi ek din meri sarshaari ko Main jo deta hoon hawa rooh ki chingari ko Warna yeh log kahan apni hadon mein rehte Main ne maqool kiya hashiya bardari ko Yeh parinde hain ke darwesh hain zindanoon ke Kuchh samajhte hi nahin amr giriftari ko Ab humein zindagi karne mein sahoolat di jaaye Kheench laaye hain yahan tak to giraan-baari ko Ek toofan bala khez ne manzar badla Ped tayyar hue rasm-e-nigoon saari ko Us ne woh zehar hawaon mein milaya hai ke ab Konpalein sar na uthayengi namoodari ko Kaun kheenchy ga mere jism ki zanjeer Azar Kaun aasan karega meri dushwari ko