دل دے کے خوش تھا میں وہ دعا دے کے خوش ہوا
دل دے کے خوش تھا میں وہ دعا دے کے خوش ہوا درویش مجھ کو اپنا پتا دے کے خوش ہوا پتھر نے اپنے ساتھ کے پتھر سے بات کی آئینہ آئنے کو صدا دے کے خوش ہوا اس پر کھلے نہیں ابھی وحشت کے داؤں پیچ جو میری شعلگی کو ہوا دے کے خوش ہوا ایسا کبھی ہوا تھا نہ ہوتا ہے ہجر میں لیکن یہ دل بغیر ارادے کے خوش ہوا منزل کو کیا خبر ہے کہ رستوں کے بیچوں بیچ آواز کس کو آبلہ پا دے کے خوش ہوا میں وہ ہوں جس کے حرف محبت کا نور ہیں میں وہ ہوں جس کو ظرف خدا دے کے خوش ہوا آزرؔ مجھے تو اس کی خوشی ہی عزیز تھی لیکن وہ شخص مجھ کو سزا دے کے خوش ہوا
English rendering
Dil de ke khush tha main wo dua de ke khush hua Darwesh mujh ko apna pata de ke khush hua Pathar ne apne saath ke pathar se baat ki Aainah aaine ko sada de ke khush hua Is par khule nahin abhi wahshat ke daun pech Jo meri sholagi ko hawa de ke khush hua Aisa kabhi hua tha na hota hai hijr mein Lekin yeh dil baghair irade ke khush hua Manzil ko kya khabar hai ke raston ke beechon beech Aawaz kis ko aablah pa de ke khush hua Main wo hoon jis ke harf mohabbat ka noor hain Main wo hoon jis ko zarf khuda de ke khush hua Azar mujhe to is ki khushi hi azeez thi Lekin wo shakhs mujh ko saza de ke khush hua