کرچی کرچی خواہشوں کا استعارہ خواب ہے
کرچی کرچی خواہشوں کا استعارہ خواب ہے آسماں سے گر کے مجھ میں پارہ پارہ خواب ہے نیند سے پیچھا چھڑا کر آ رہا ہوں میں مگر میری آنکھوں کے تعاقب میں دوبارہ خواب ہے خاک سے بنتی ہوئی تصویر ہے تمثیل کی چاک پر رکھے ہوئے پیکر کا گارا خواب ہے نیند کی کشتی اتر کر گم نہ ہو جائے کہیں وہ سمندر ہوں کہ جس کا ہر کنارہ خواب ہے خواب ہے پھولوں کا رنگا رنگ ہونا شاخ پر خاک سے اٹھتی ہوئی خوشبو کی دھارا خواب ہے جو تمہارے ساتھ میں نے رات کاٹی وہم تھی جو تمہارے ساتھ میں نے دن گزارہ خواب ہے جھانک لو آزرؔ اگر تصدیق کرنا ہے تمہیں اور کیا ہو گا ان آنکھوں میں تمہارا خواب ہے
English rendering
Karchi karchi khwahishon ka isteara khwab hai Aasman se gir ke mujh mein paara paara khwab hai Neend se peecha chhuda kar aa raha hoon main magar Meri aankhon ke taaqub mein dobara khwab hai Khaak se banti hui tasveer hai tamseel ki Chak par rakhe hue paikar ka gaara khwab hai Neend ki kashti utar kar gum na ho jaaye kahin Woh samandar hoon ke jis ka har kinara khwab hai Khwab hai phoolon ka ranga rang hona shaakh par Khaak se uthti hui khushboo ki dhaara khwab hai Jo tumhare saath main ne raat kaati waham thi Jo tumhare saath main ne din guzara khwab hai Jhaank lo Azar agar tasdeeq karna hai tumhen Aur kya hoga in aankhon mein tumhara khwab hai