رہتا ہوں رات دن میں یوںہی مست شعر میں
رہتا ہوں رات دن میں یوںہی مست شعر میں مجھ کو لگانا پڑتی نہیں جست شعر میں پیمانہ کوئی اور نہیں بن سکا ابھی کرتا ہوں خود کو پیش سر دست شعر میں ہونے کا اور نہ ہونے کا اس میں سراغ ہے بکھرے پڑے ہیں یوں عدم و ہست شعر میں اس کے لیے تو دل سے قصیدہ لکھوں گا میں کیوں اس کا تذکرہ ہو کسی پست شعر میں میری تراش ملتی نہیں ہے کسی سے بھی رکھتا ہوں میں انوکھا در و بست شعر میں ہم پست قامتوں کا وہاں ذکر کیا کہ جب پیکان تیر میرؔ ہے پیوست شعر میں کرنا ہے اپنا درد بھی آزرؔ بیاں تجھے لانا ہے قافیہ بھی زبردست شعر میں
English rendering
Rehta hun raat din mein yunhi mast sher mein Mujh ko lagana padti nahin just sher mein Paimana koi aur nahin ban saka abhi Karta hun khud ko pesh sar-e-dast sher mein Hone ka aur na hone ka is mein suraagh hai Bikhre pade hain yun adam-o-hast sher mein Us ke liye to dil se qasida likhun ga main Kyun us ka tazkira ho kisi past sher mein Meri tarash milti nahin hai kisi se bhi Rakhta hun main anokha dar-o-bast sher mein Hum past qamaton ka wahan zikr kya ke jab Paikan-e-teer Mir hai paiwast sher mein Karna hai apna dard bhi Azar bayan tujhe Laana hai qafiya bhi zabardast sher mein