تو جو رہ رہ کے محبت کا خدا بنتا ہے
تو جو رہ رہ کے محبت کا خدا بنتا ہے دیکھنا یہ ہے کہ اے دل ترا کیا بنتا ہے کاش وہ شخص بڑا ہو کے دِکھائے بھی کبھی سامنے سب کے جو ہر وقت بڑا بنتا ہے چھنتے چھنتے ہی نکلتے ہیں خد و خال نئے بنتے بنتے ہی کوئی نقش سِوا بنتا ہے لطف جب ہے کہ تجھے باپ کی شفقت ہو نصیب ماں کے ہونٹوں پہ تو ہر لفظ دعا بنتا ہے جن کے دیوار و در و بام ہوں آسیب زدہ ان مکانوں سے مکینوں کا گِلہ بنتا ہے ٹوٹتے رہتے ہیں اشکوں کے ستارے مجھ میں میرے سینے میں ترا ہجر خلا بنتا ہے کس کا اُسلوبِ سخن ہے ترے جیسا آزر فخر کرتا ہے جو تو خود پہ ترا بنتا ہے
English rendering
Tu jo reh reh ke mohabbat ka Khuda banta hai Dekhna ye hai ke ae dil tera kya banta hai Kash wo shakhs bada ho ke dikhaye bhi kabhi Samne sab ke jo har waqt bada banta hai Chhante chhante hi nikalte hain khad-o-khaal naye Bante bante hi koi naqsh siwa banta hai Lutf jab hai ke tujhe baap ki shafqat ho naseeb Maa ke hothon pe to har lafz dua banta hai Jin ke deewar-o-dar-o-baam hon aaseeb zada Un makanon se makinon ka gila banta hai Tootte rehte hain ashkon ke sitare mujh mein Mere seene mein tera hijr khala banta hai Kis ka usloob-e-sukhan hai tere jaisa Azar Fakhr karta hai jo tu khud pe tera banta hai