آیا نہیں ہے راہ پہ چرخ کہن ابھی
آیا نہیں ہے راہ پہ چرخ کہن ابھی خطرے میں دیکھتا ہوں چمن کا چمن ابھی اٹھیں گے اپنی بزم سے منصور سیکڑوں کام اہل حق کے آئیں گے دار و رسن ابھی رنج و محن نگاہ جو پھیریں تو پھیر لیں لیکن مجھے عزیز ہیں رنج و محن ابھی بڑھنے دو اور شوق شہادت عوام میں کچھ بانجھ تو نہیں ہے یہ خاک وطن ابھی آنکھوں کی سرخیاں ہیں عزائم کا اشتہار سینے سلگ رہے ہیں لگی ہے لگن ابھی یہ کارواں شناور طوفاں تو ہے مگر چہروں پہ بولتی ہے سفر کی تھکن ابھی ہیں سامنے ہمارے روایات کارزار باندھے ہوئے ہیں سر سے مجاہد کفن ابھی بن بن کے جانے کتنے فنا ہوں گے سومنات بستے ہیں ہر گلی میں یہاں بت شکن ابھی اے شہریار ہم سے شکستہ دلوں میں آ تیری طرف سے خلق کو ہے حسن ظن ابھی رقصاں ابھی ہیں شام غریباں کی جھلکیاں روشن نہیں ہے خندۂ صبح وطن ابھی جیتے رہیں امید پہ رندان تشنہ کام چلتا نہیں ہے دور شراب کہن ابھی جن کے لہو سے قصر وفا میں جلے چراغ ان غم زدوں میں عام ہیں رنج و محن ابھی گلشن سے پھول چل کے مزاروں تک آ گئے لیکن ہے باغباں کی جبیں پر شکن ابھی ہے علم کی نگاہ سے پنہاں رہ عمل کہتے نہیں کفن کو یہاں پیرہن ابھی نبض بہار پر ہیں بگولوں کی انگلیاں چلنے کو چل رہی ہے نسیم چمن ابھی شبنم کے اشک سوکھنے دیتی نہیں فضا ہنستا ہے خود بہار چمن پر چمن ابھی ہر گام ہر مقام پہ کوشش کے باوجود دانشؔ نہ آ سکا مجھے جینے کا فن ابھی
English rendering
Aaya nahin hai raah pe charkh-e-kuhan abhi Khatre mein dekhta hoon chaman ka chaman abhi Utthenge apni bazm se Mansoor sainkdon Kaam ahl-e-haq ke aayenge daar o rasan abhi Ranj o mihan nigah jo pheren to pher len Lekin mujhe azeez hain ranj o mihan abhi Badhne do aur shauq-e-shahadat awaam mein Kuchh baanjh to nahin hai ye khaak-e-watan abhi Aankhon ki surkhiyan hain azaym ka ishtehar Seene sulag rahe hain lagi hai lagan abhi Ye carvaan shanawar-e-toofan to hai magar Chehron pe bolti hai safar ki thakan abhi Hain saamne hamare riwayaat-e-karzar Baandhe hue hain sar se mujahid kafan abhi Ban ban ke jaane kitne fana honge Somnath Baste hain har gali mein yahan but-shikan abhi Ae shahriyar hum se shikasta dilon mein aa Teri taraf se khalq ko hai husn-e-zann abhi Raqsaan abhi hain sham-e-ghariban ki jhalakiyan Roshan nahin hai khanda-e-subh-e-watan abhi Jeete rahen ummeed pe rindan-e-tishna-kaam Chalta nahin hai daur-e-sharab-e-kuhan abhi Jin ke lahu se qasr-e-wafa mein jale charagh Un ghamzadon mein aam hain ranj o mihan abhi Gulshan se phool chal ke mazaron tak aa gaye Lekin hai baghbaan ki jabeen par shikan abhi Hai ilm ki nigah se pinhan rah-e-amal Kehte nahin kafan ko yahan pairahan abhi Nabz-e-bahar par hain bagoolon ki ungliyan Chalne ko chal rahi hai naseem-e-chaman abhi Shabnam ke ashk sookhne deti nahin fiza Hansta hai khud bahar-e-chaman par chaman abhi Har gaam har maqam pe koshish ke bawajood Danish na aa saka mujhe jeene ka fan abhi