موسم سے رنگ و بو ہیں خفا دیکھتے چلو
موسم سے رنگ و بو ہیں خفا دیکھتے چلو یہ کیا چلی چمن میں ہوا دیکھتے چلو انبار ہر طرف ہیں اندھیروں کے یہ درست شاید نہیں ہو آب بقا دیکھتے چلو تسکین سنبل و گل و لالہ کے واسطے کیا دے رہی ہے باد صبا دیکھتے چلو جتنے تھے جاں نثار چمن بعد صبح نو کچھ اجر بھی کسی کو ملا دیکھتے چلو اصنام زر کے پاؤں میں ڈالے ہوئے جبیں کتنے ہیں بندگان خدا دیکھتے چلو کس کس کا اعتماد وفا ہو گیا شکست کس کس کو حسن سے ہے گلا دیکھتے چلو دانشؔ کو ضد ہے دیر و حرم بھی سہی مگر کس کو ملا ہے ان کا پتا دیکھتے چلو
English rendering
Mausam se rang-o-boo hain khafa dekhte chalo Yeh kya chali chaman mein hawa dekhte chalo Ambaar har taraf hain andheron ke yeh durust Shayad nahin ho aab-e-baqa dekhte chalo Taskeen-e-sumbul-o-gul-o-lala ke waaste Kya de rahi hai baad-e-saba dekhte chalo Jitne the jaan-nisaar-e-chaman baad-e-subh-e-nau Kuchh ajr bhi kisi ko mila dekhte chalo Asnaam-e-zar ke paaon mein daale hue jabeen Kitne hain bandagaan-e-khuda dekhte chalo Kis kis ka aitmad-e-wafa ho gaya shikast Kis kis ko husn se hai gila dekhte chalo Danishؔ ko zid hai dair-o-haram bhi sahi magar Kis ko mila hai unka pata dekhte chalo