نہ جانے سحر یہ کیا تو نے چشم یار کیا
نہ جانے سحر یہ کیا تو نے چشم یار کیا کہ میں نے ہوش کے جامے کو تار تار کیا فسوں عجیب یہ اے موسم بہار کیا کہ خار زار کو ہم رنگ لالہ زار کیا مہک رہا ہے ہر اک گل کا جامۂ رنگیں صبا نے باغ میں کیا ذکر زلف یار کیا نہ پوچھو پچھلے پہر اپنی یاد کا عالم تمہارا ذکر ستاروں سے بار بار کیا نسیم صبح نے آ کر وہ راگنی چھیڑی ہر ایک پھول نے کانٹے کو جھک کے پیار کیا مرے جہان محبت میں پڑ گئی ہلچل سکون دل نے مجھے اور بے قرار کیا بھر آئے دیدۂ انجم میں اشک مجبوری جگر کو تھام کے جب ہم نے ذکر یار کیا تڑپ کے آبلہ پا ایک بار پھر اٹھے یہ کسی نے تذکرۂ آمد بہار کیا گزر چکی ہیں جو احسانؔ ان کی محفل میں انہیں قرار کی گھڑیوں نے بیقرار کیا
English rendering
Na jane sehar yeh kya tu ne chashm-e-yaar kiya Ke maine hosh ke jaame ko taar taar kiya Fasoon-e-ajeeb yeh ae mausam-e-bahar kya Ke khaar-zaar ko hum rang-e-lala-zaar kiya Mehak raha hai har ek gul ka jaama-e-rangeen Saba ne baagh mein kya zikr-e-zulf-e-yaar kiya Na poocho pichhle pehar apni yaad ka aalam Tumhara zikr sitaron se baar baar kiya Naseem-e-subh ne aa kar woh raagni chhedi Har ek phool ne kaante ko jhuk ke pyaar kiya Mere jahaan-e-mohabbat mein pad gayi halchal Sukoon-e-dil ne mujhe aur be-qarar kiya Bhar aaye deeda-e-anjum mein ashk-e-majboori Jigar ko thaam ke jab hum ne zikr-e-yaar kiya Tarap ke aabla-pa ek baar phir uthe Yeh kisi ne tazkira-e-aamad-e-bahar kiya Guzar chuki hain jo Ehsanؔ unki mehfil mein Unhein qarar ki ghadiyon ne be-qarar kiya