اپنے بے نور چراغوں کو ضیا دی جائے
اپنے بے نور چراغوں کو ضیا دی جائے نہ کہ ہمسائے کی قندیل بجھا دی جائے صبح کاذب ہے کوئی مل کے صدا دی جائے یہ سیہ دھوپ کی دیوار گرا دی جائے نغمہ و نے سے ابھاریں کوئی تصویر جنوں جس میں شعلوں کی لپک ہو وہ صدا دی جائے راز غم مجلس احباب کی تفریح نہیں آئنہ خانے میں کیوں شمع جلا دی جائے راستے قافلے والوں کی نظر میں ہیں تمام دھول سے لاکھ بگولوں کو ہوا دی جائے شکریہ تو مری فطرت ہے مگر سائے تو ہوں دشت سے دھوپ کی جاجم تو اٹھا دی جائے جس کا مدت سے ہے شیشے کے مکانوں میں رواج ہم پہ اس عشق کی تہمت نہ لگا دی جائے یوں بھی ہوتا ہے کہیں جور بہاراں کا علاج پھول کی شکل بھی کانٹے سے ملا دی جائے جن کے اشعار سے ہو گرم جوانوں کا لہو کیوں مسلسل انہیں فاقوں کی سزا دی جائے دار و زنداں کا تو اک شور بپا ہے لیکن کوئی جینے کی تو تدبیر بتا دی جائے ہر افق سے مری آواز پلٹ آتی ہے کس دریچے سے انہیں جا کے صدا دی جائے ایک افسانہ ہے ہاتھوں سے گریبانوں تک بات بہروں کو سنا کر نہ گنوا دی جائے اک مصور نے جو سونپی تھی امانت کی طرح بعض کہتے ہیں وہ تصویر مٹا دی جائے جن کو بے وقت مراعات نے بخشا ہے جنوں ان پہ کچھ قید شرافت بھی لگا دی جائے انقلابات ہیں خود اپنے اصولوں کا جواز اب کے آئین میں یہ شق بھی بڑھا دی جائے جس کی تہذیب مسلماں سے سنبھالی نہ گئی پھر اسی کوئے تجلی میں صدا دی جائے قبر کے چوکھٹے خالی ہیں انہیں مت بھولو جانے کب کون سی تصویر لگا دی جائے فرض ہے اس پہ محمد کی غلامی دانشؔ جس کی تحویل میں مخلوق خدا دی جائے
English rendering
Apne be-noor charaghon ko ziya di jae Na ke hamsaye ki qandeel bujha di jae Subh-e-kazib hai koi mil ke sada di jae Yeh siyah dhoop ki deewar gira di jae Naghma-o-nay se ubharen koi tasveer-e-junoon Jis mein sholon ki lapak ho woh sada di jae Raz-e-gham majlis-e-ahbab ki tafreeh nahin Aaina khane mein kyon shama jala di jae Raaste qafile walon ki nazar mein hain tamam Dhool se lakh bagulon ko hawa di jae Shukriya to meri fitrat hai magar saaye to hon Dasht se dhoop ki jajam to utha di jae Jis ka muddat se hai sheeshe ke makanon mein riwaaj Hum pe is ishq ki tohmat na laga di jae Yun bhi hota hai kahin jor-e-baharan ka ilaj Phool ki shakl bhi kaante se mila di jae Jin ke ashaar se ho garm jawanon ka lahoo Kyon musalsal unhein faqo ki saza di jae Dar-o-zindan ka to ek shor bapa hai lekin Koi jeene ki to tadbeer bata di jae Har ufuq se meri awaz palat aati hai Kis dariche se unhein ja ke sada di jae Ek afsana hai hathon se girebanon tak Bat behron ko suna kar na ganwa di jae Ek musawwir ne jo sonpi thi amanat ki tarah Baaz kehte hain woh tasveer mita di jae Jin ko be-waqt murraat ne bakhsha hai junoon Un pe kuch qaid-e-sharafat bhi laga di jae Inqilabat hain khud apne usoolon ka jawaaz Ab ke aaeen mein yeh shaq bhi badha di jae Jis ki tehzeeb musalman se sambhali na gai Phir usi kue-e-tajalli mein sada di jae Qabar ke chaukhte khali hain unhein mat bhoolo Jaane kab kaun si tasveer laga di jae Farz hai is pe Muhammad (SAW) ki ghulami Danish Jis ki tehweel mein makhlooq-e-Khuda di jae